ՀՀ էներգետիկայի և բնական պաշարների նախարար Արմեն Մովսիսյանը համաձայնել է մասնակի բավարարել Հայաստանի ատոմային էկելտրակայանի ազատման դիմում ներկայացրած 158 աշխատակիցների` աշխատավարձերը  բարձրացնելու պահանջը:

Այդ որոշումը կայացվել է երեկ` նախարարի և ազատման դիմում ներկայացրած աշխատակիցների հանդիպման ժամանակ:

Թերթի տեղեկություններով, Մովսիսյանը խոստացել է, որ աշխատավարձի բարձրացման նպատակով ամսական լրացուցիչ կհատկացվի մոտ 10 մլն դրամ: Արդյունքում աշխատավարձերը կավելանան մոտ 40 հաար դրամով, նվազագույն աշխատավարձը կհասնի 200 հազարի:

Սա կողմերի համար փոխզիջումային տարբերակ է, քանի որ խոստացված գումարն ազատման դիմում գրած աշխատակիցների պահանջից քիչ է: