HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հայկ Ղազարյան

Դիլհամ Ասկերովը սահմանը հատելուց առաջ պիտի քրեական պատժի ենթարկվեր

Հոտկեմբերի 29-ին ԼՂՀ ընդհանուր իրավասության առաջին ատյանի դատարանում շարունակվեց ադրբեջանցի դիվերսանտներ Դիլհամ Գարդաշխան օղլի Ասկերովի և Շահբազ Ջալալ օղլի Գուլիևի գործով դատական նիստը:

Նախագահող դատավոր Անատոլի Թադևոսյանի` «Ի՞նչ նպատակով եք ձեզ հետ տեսախցիկ վերցրել» հարցին, Դիլհամ Ասկերովը պատասխանեց. «Ջաբիրը պատվիրել էր ոսկու գտնվելու վայրը նկարել»:

Նախորդ նիստին նա իր ցուցմունքում նշել էր, որ Ջաբիր անունով մեծահարուստ անձնավորությունն իբր երեքին էլ պատվիրել էր Քարվաճառից թաքցված ոսկի տեղափոխել: Երեկվա նիստի ընթացքում Դիլհամ Ասկերովն ասաց, որ Շահբազի Գուլիևին Ջաբիրը խոստացել էր 4 կիլոգրամ ոսկու 30 տոկոսը ու լավ կարիերա` ապագայում: «Հիմա եմ հասկանում, որ Ջաբիրն էլ էր ԱԱԾ աշխատակից»,- ասաց Դիլհամ Ասկերովը:

Ադրբեջանում Շահբազ Գուլիևին ու Դիլհամ Ասկերովը ձերբակալվել են զինված կողոպուտի ժամանակ, իսկ 2014 թվականին Դիլհամ Ասկերովը պիտի պատիժ կրեր թմրանյութի ապօրինի շրջանառության համար: Քերական երկու գործերն էլ «փակվել են»: Երկրորդ անգամ ձերբակալումից կարժ ժամանակ հետո նա հատել է սահմանը: «Թաղայինը կանչեց բաժին, որտեղ հանդիպեցի  ԱԱԾ-ի ու հետո էլ դատախազի  աշխատակցի  հետ: Պարտավորագիր գրեցի, որ Քելբաջար էլ չեմ գնալու»,- ասաց Դ. Ասկերովը:

Նա նշեց, որ իրավապահների հետ հանդիպումից հետո տեղափոխվել է Ռուսաստան, սակայն մինչ այդ հանդիպել է Շամքիրում տեղակայված գումարտակի հրամանատարին: Վերջինս հորդորել է սահմանը հատելու մասին բան չասել զինվորական դատախազին:

«Պատճառը չգիտեմ: Չեմ կարծում, թե նրա ենթակա զինվորներն են տվյալ դիրքերը պահում, Շամքիրը մի քիչ հեռու է»,- ասաց նա:

1998 թվականից հետո սահմանին հսկողությունը չի ուժեղացել, Դիլհամը նույն երթուղով սահմանը հատել է 6-7 անգամ:

Դատավորի` «Հնարավո՞ր է նույն վայրով սահմանը հատել  ղարաբաղյան  կողմից» հարցին, Դիլհամը դրական պատասխան է տվել:

Դիլhամ Ասկերովի` ՌԴ-ում գտնվելու ժամանակահատվածում Շահբազ Գուլիևը հարցաքննվել է իրավապահների կողմից. 2005 թվականի սահմանի հատումից հետո էր: Անմիջապես դրանից հետո հարցարզույց էր տվել ANS հեռուստաալիքին:

Երկուսին քրեական պատասխանատվությունից ազատած անձավորությունը Շահբազի ծանոթն էր: Բաքվում կազմակերպված հանդիպման ժամանակ (ըստ Դիլհամ Ասկերովի ցուցմունքի) այդ անձը Դիլհամին առաջարկել է փողի դիմաց ավելի «խորը» ներթափանցել և հասնել մինչև Խոջալուի օդանավակայան: «Հասկացա, որ ծուղակ է, ու նման ծառայության դիմաց դիտավորյալ մեծ գումար նշեցի՝ 20 հազար մանաթ, ու ասացի՝ կմտածեմ, որպեսզի ձեռք քաշի ինձնից»,- ասաց նա:

Դատաքննությունը շարունակվում է այսօր:

Լուսանկարում` Դիլհամ Ասկերովը և Շահբազ Գուլիևը

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter