HY RU EN

Անի Հովհաննիսյան

Կնոջ տունն այրած Էդգար Ծատինյանը ձերբակալվել է

Կնոջ հայրական տունը հրկիզած Էդգար Ծատինյանը ձերբակալվել է երեկ երեկոյան:

Այս մասին «Հետքին» հայտնեց ՀՀ քննչական կոմիտեի Մալաթիա-Սեբաստիա վարչական շրջանի քննչական բաժնի ավագ քննիչ Տիգրան Մուրադյանը: 

Հիշեցնենք, որ Էդգար Ծատինյանը նոյեմբերի 11-ին դյուրավառ հեղուկ էր լցրել կնոջ հայրական տան դռնից ներս, այնուհետեւ այրել միջանցքը: Ծատինյանը նաեւ սպառնացել էր հաջորդիվ այրել կնոջը:

Հրկիզման վերաբերյալ մեղադրանք է առաջադրվել` քրեական օրենսգրքի 185-րդ հոդվածի 2-րդ մասով (գույքը դիտավորությամբ ոչնչացնելը կամ վնասելը):

Տուժող Լուիզա Ավետիսյանը «Հետքին» հայտնեց, որ քննիչն առգրավվել է նաեւ իր հեռախոսը` սպառնալիքներ պարունակող sms հաղորդագրությունները փորձաքննելու նպատակով: Փորձաքննվել են երկու հազարից ավելի sms հաղորդագրություններ եւ կցվել գործին: