Հայաստանն ու Իրանը կհամագործակցեն ՏՏ ոլորտում
Կառավարության այսօրվա նիստում հավանության է արժանացել ՀՀ տրանսպորտի և կապի նախարարության և Իրանի Իսլամական Հանրապետության կապի և տեղեկատվական տեխնոլոգիաների նախարարության համագործակցության հուշագիրը: Երկու նախարարությունները համաձայնել են համագործակցել հետևյալ ուղղություններով.
1. Կողմերի միջև առկա կապուղիների միջոցով երրորդ երկրին միջազգային «ԱՅՓԻ» (IP) տարանցման ծառայությունների մատուցման հնարավորության ապահովում :
2. Կողմերի միջև երկկողմ միջազգային «ԱՅՓԻ» (IP) տարանցման ապահովում և թողունակության անսահմանափակ հնարավորության ստեղծում :
3. ՏՀՏ ոլորտում համատեղ հետազոտությունների իրականացում և ծրագրերի մշակում` ներառյալ հետազոտության արդյունքների և դրանց առընչվող տեղեկատվության փոխանակում:
4. ՏՀՏ ոլորտի մասնագետների և փորձի փոխանակման, հնարավորություն ընձեռող համատեղ ծրագրերի մշակում:
5. Տեղական և տարածաշրջանային ինտերնետ փոխանակման կետերի և տվյալների կենտրոնների ստեղծում:
6. Կողմերի աշխարհագրական դիրքի առավել արդյունավետ օգտագործմամբ՝ մալուխային ցանցի ստեղծում:
7. Սույն Հուշագրով սահմանված համագործակցության իրավական և կազմակերպչական ուղղությունների շրջանակներում անհրաժեշտ այլ տեղեկատվության տրամադրում և (կամ) փոխանակում:
8. Յուրաքանչյուր տարվա համար կողմերը կարող են հաստատել նաև թիրախային (հասցեական) աշխատանքային ծրագրեր:
Մանրամասն` հուշագրում:
Մեկնաբանել