ՀՀԿ խմբակցության պատգամավոր Տաճատ Վարդապետյանը երեկ կառավարությունից հետաքրքրվեց, թե 2012թ. պետական բյուջեով նախատեսվելո՞ւ է ֆինանսական հատկացումներ Ջավախքի դպրոցների հիմնանորոգման համար:

Քաղաքաշինության նախարար Վարդան Վարդանյանը, պատասխանելով պատգամավորի հարցին, ասաց, թե 2012թ. բյուջեով 5 մլրդ դրամ է նախատեսվելու թվով 96 դպրոցների շարունակական վերանորոգման աշխատանքների համար, եւ Ջավախքի դպրոցների համար գումար հատկացված չէ:

Տաճատ Վարդապետյանը նեղսրտեց նախարարի պատասխանից: «Ճիշտն ասաց, այդքան էլ ուրախացուցիչ չէ պատասխանը, հարգարժան նախարար»,- հայտարարեց պատգամավորը եւ հետաքրքրվեց,  հնարավո՞ր է քննարկումներ լինեն եւ այլ աղբյուրներ գտնվեն:

«Հարցը մեկ անգամ եւս կքննարկենք կառավարությունում եւ ձեզ կպատասխանենք»,-հնչեց քաղաքաշինության նախարարի պատասխանը: