Տեսանյութեր
Լուսանկարներ
Գիշերային դիվերսիայի ժամանակ հակառակորդն ականապատել է որոշ հատվածներ
Դեկտեմբերի 25-ի գիշերը հակառակորդի կողմից շփման գծի հարավարևելյան ուղղությամբ ձեռնարկված հետախուզադիվերսիոն գործողությունները վնասազերծելուց հետո, ՊԲ առաջապահ ուժերը հետախուզել են ողջ առաջնագիծը: Արդյունքում պարզվել է, որ բացի վերոնշյալ գործողություններից` հակառակորդի հատուկ ջոկատայինները ևս երկու ուղղություններով (արևելյան և հյուսիսարևելյան) հատել են հակամարտ զորքերի միջդիրքային տարածքը և ականապատել որոշ հատվածներ:
ԼՂՀ ՊՆ մամուլի ծառայությունից հայտնում են, որ օպերատիվ միջոցառումների արդյունքում` տեղադրված բոլոր ականները վնասազերծվել են: Ականազերծման գործողությունների ընթացքում արտակարգ միջադեպեր տեղի չեն ունեցել:
ՊԲ առաջապահ ստորաբաժանումները շարունակում են վերահսկել ողջ առաջնագիծը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել