![](/static/articles/05/80/03/l-msUn77gYCY.jpg)
Լրագրողի բնակարանից կատարված գողության փաստով հարուցվել է քրեական գործ
«Չորրորդ իշխանություն» թերթի լրագրող Անի Գևորգյանի ընտանիքին պատկանող բնակարանից գողություն կատարելու փաստով ՀՀ ոստիկանության Էրեբունու բաժնում հարուցվել է քրեական գործ՝ ՀՀ քրեական օրենսգրքի 177-րդ հոդվածի 3-րդ մասի 1.1կետի հատկանիշներով (գողությունը, որը կատարվել է բնակարան ապօրինի մուտք գործելով): Այս մասին «Հետքին» տեղեկացրեց Ա. Գևորգյանը, ով հարուցված քրեական գործի շրջանակներում տուժող է ճանաչվել:
Անին ավելի վաղ տեղեկացրել էր, որ ամանորի գիշերը իրենց բնակարանից գողացել են իր անձնական Canon 6D տեսախցիկը, «Չորրորդ իշխանություն» թերթի խմբագրությանը պատկանող Canon 550D տեսախցիկն ու եղբոր՝ newsline.am-ի օպերատոր Սարգիս Գևորգյանի արխիվային և աշխատանքային նյութերով համակարգիչը, էլեկտրոնային կրիչները:
Անի Գևորգյանն ասաց, որ գողացված համակարգչում եղել են նաև ՀԱԿ-ի գործունեության հետ կապված արխիվային նյութեր, որոնք հրապարակման ենթակա չեն: Նշենք, որ լրագրողի ընտանիքի անդամներն ընդդիմադիր ՀԱԿ-ի համակիրներ են:
«Ավելի ուշ պարզեցինք, որ նշված տեխնիկայից բացի գողացել են նաև նեթբուք»,-ասաց Անի Գևորգյանը:
Մեկնաբանություններ (1)
Մեկնաբանել