![](/static/articles/58/29/l-x1iwKTuR8w.jpg)
Սերժ Սարգսյանն ու Գագիկ Ծառուկյանը հանդիպել են
Օրեր առաջ Գագիկ Ծառուկյանը հանդիպել է նախագահ Սերժ Սարգսյանի հետ: Այս մասին «Հետքի» հետ զրույցում ասաց Գագիկ Ծառուկյանի մամուլի խոսնակ Խաչիկ Գալստյանը:
«Հանդիպում իրոք եղել է, եւ քննարկվել է բացառապես հարկային փաթեթի բյուջետային հարցերին վերաբերող հարցեր: Ներքաղաքական թեմաներ չեն քննարկվել»,-ասաց Խ. Գալստյանը:
Գագիկ Ծառուկյանի մամուլի խոսնակը չգիտեր, թե ովքեր են եղել հանդիպման մասնակիցները, սակայն հաստատեց, որ հանդիպումը եղել է հանրապետության նախագահի մակարդակով:
Նշենք, որ մամուլում լուրեր են տարածվել, որ քննարկման արդյունքում կողմերը ներքաղաքական հարցերում եկել են որոշակի պայմանավորվածության, ինչի արդյունքում էլ շաբաթ օրը նախատեսված ՀՀԿ-ի խորհրդի նիստը չի կայանալու:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել