HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դանիել Իոաննիսյան

Քննարկելով Վարդան Պետրոսյանի նկատմամբ իրավապահների վերաբերմունքը

Երեկ հրապարակվեց դերասան Վարդան Պետրոսյանի դատավճիռը: Նա դատապարտվեց 5 տարվա ազատազրկման եւ պատիժը պետք է կրի «բաց ռեժիմով»: Սակայն, քանի դեռ դատավճիռն ուժի մեջ չի մտնել, Պետրոսյանը կմնա կալանքի տակ:

Այլ կերպ ասած` եթե դատախազը, տուժող կողմը կամ ինքը` դերասանը, չբողոքարկեն դատավճիռը, ապա մեկ ամսից նա կլինի «կիսաազատ» (ցերեկը` ազատ, գիշերը` բանտում), բայց եթե որևէ մեկը բողոքարկի դատավորի դատավճիռը, ապա Վարդան Պետրոսյանը առնվազն մի քանի ամիս ևս կանցկացնի կալանքի տակ:

Հետևելով դատավարությանը` տեսանք, որ նախաքննություն իրականացնող մարմինն ի սկզբանե ունեցել է կանխակալ մոտեցումներ և վթարին հաջորդող օրվանից արդեն սկսել է խախտումներ անել ու նյութեր «նկարել»:

Համակարգն է այդպիսին

Եթե համարենք, որ Վարդան Պետրոսյանի նկատմամբ չկա «իշխանական հալածանք», ապա հետաքրքիր պատկեր կստացվի: … Գործի քննության ընթացքում մենք տեսանք, որ քննիչը փորձել է անել ամենը, որ ապացուցի դերասանի մեղավորությունը (օբեկտիվ քննության փոխարեն), սակայն դժվարանում էինք հասկանալ, թե ի՞նչ դրդապատճառներով է նա այդպես վարվել:

Բոլորիս է հայտնի, որ մեր երկրում քննիչները հաճախ սովոր չեն օբյեկտիվ քննություն վարել ու դրա արդյունքում մեղավորներ պարզել: Նրանք սովոր են ի սկզբանե «հայավարի պարզել մեղավորին» ու նախաքննությամբ ապացուցել սեփական տեսակետը…

Եթե գումարենք այն, որ սովորաբար մարդիկ համարում են, որ «ետևից խփողը միշտ մեղավոր է», կարող է ստացվել, որ քննիչը արել է ամենը, որ հիմնավորի, որ ետևից խփողն է մեղավոր` անկախ բոլոր այլ հանգամանքներից: Իսկ երբ պարզվել է, որ բարդ գործ է, որ մեղադրյալը որակյալ փաստաբաններ ունի, որ ամբողջ հանրությունը ուշադրությամբ հետևում է, քննիչը փորձել է նաև կոծկել սեփական սխալները, բայց «տղամարդավարի» շարունակել պնդել իր տեսակետը:

Նախաքննության կարծիքը «տղամարդավարի» խոսք է

Առհասարակ, հայրենի իրավապահների շրջանում հանցագործության մեջ մեղադրվող անձի փոփոխությունը մոդայիկ չէ: … Համարվում է, որ եթե քննիչը գործի ընթացքում պարզում է, որ մեղավորը մեկ այլ անձ է, ապա սկզբից վատ է աշխատել ու պրոֆեսիոնալ չէ:

Ժողովրդի ու գլխավոր դատախազի լեզվով ասած` նախաքննության կողմից տեսակետի փոփոխությունը ու սեփական սխալի ընդունումը իրավապահների շրջանում «տղամարդավարի» չի համարվում, ի տարբերություն գործ «նկարելու», որը բացարձակ անպատեհ արարք չի համարվում… Ուստի ասե՞լ ես մի բան` ասածիդ տղամարդու պես տեր կանգնիր` թեկուզ «նկարչությամբ»:

Դատարանը հարց չի լուծում, միայն կնիք է դնում

Ասվածին հարկ է գումարել նաև այն հանգամանքը, որ Հայաստանում քրեական գործերի համարյա 100 տոկոս դեպքերում դատարանները վարվում են այնպես, ինչպես միջնորդում են քննիչն ու դատախազը… Միայն եզակի դեպքերում են դատավորները «շեղվում» դատախազի միջնորդության բավարարման «ուղուց»:

Այս իմաստով բացառություն չէ նաև Վարդան Պետրոսյանի դատավարությունը. գործի քննության ավարտից ընդամենը 2 աշխատանքային օր հետո հրապարակվեց դատավճիռը… Իսկ ահռելի ծավալների հասնող գործի նյութերին դատարանը չէր կարող ամբողջությամբ և բազմակողմանի անդրադառնալ և հասցնել դատավճիռը գրել այդպիսի սեղմ ժամկետում: Այսինքն` դատարանն առաջնորդվել է քննիչի «առաջարկություններով»` առանց դրանք խորությամբ ուսումնասիրելու:

Հ.Գ. Բողոքարկելու իրավունքը սահմանափակվեց

Գործի քննության ընթացքում, իհարկե, թե́ քննիչը, թե́ դատախազը, թե́ դատավորը հասկացան, որ մի մեծ գլխացավանք ունեն: Եթե այս գործը բողոքարկվի, ապա, վստահաբար, անգամ Մարդու իրավունքների եվրոպական դատարան չի հասնի, քանի որ վերաքննիչ կամ վճռաբեկ դատարանը քիչ է հետաքրքրված քննիչի պատվով:

Հենց դա է պատճառը, որ դատարանը դիմեց մի խորամանկության` դատավճռի բողոքարկման հավանականությունը նվազեցնելու համար: Մասնավորապես, ինչպես ասվեց, դատարանը ստեղծեց այնպիսի կոնյեկտուրա, որ դերասանը ստիպված է ընտրել` մնալ բանտում ու բողոքարկե՞լ դատավճիռը, թե՞ դուրս գալ բանտից ու «մաքուր օդ շնչել»:

Այսինքն` դատարանը յուրովի սահմանափակեց Վարդան Պետրոսյանի` դատավճիռը բողոքարկելու իրավունքը:

Մեկնաբանություններ (12)

Հ.Շ.
Թվում է թէ, վերջին հաշվով, դատարանը Վարդանի համար մեղմ վճիռ արձակեց, եւ թէ իշխանութիւններու վերաբերող այդ բոլո՜ր անճոռնի վերագրումները անհիմն էին. խնդիրը խեղկատակութեան մը պէս վը վերջանայ, մինչ տարիէ ի վեր ամենուրեք Հայաստանը կը պախարակէք, այս պատմութեամբ. եւ դեռ դժգո՞հ էք... տակաւին գանգատո՞ւմ էք... անբուժելի է...
Հ.Շ.
իսկ վճիռից անմիջապէս յետոյ, Վարդանի տեղական փաստաբանը կատարում է լայնածաւալ արտայայտութիւնները, թէ՝ տուժող կողմը դժգոհ է վաստահաբար, եւ թէ ամէն պարագայի Վարդանը մի քանի ամսից անպայման ազատ է լինելու արդէն... ինչի՞ կը ծարայեն այդպիսի խօսքեր, ի՞նչ պէտք կայ այդ բոլորը բացայայտելու... կեանք կորսնցուցած երեխաների ընտանիքը ծաղրելո՞ւ համար է, զանոնք գրգռելո՞ւ... վերաբերմունք մը՝ որ կը վտանգէ իր յաճախորդի շահերը...եւ սկիզբէն ի վեր այսպէս է...
11111
Հ,Շ, Վարդանի փաստաբանի պեսի համար դա նորմալա, մի զարմացեք, արդեն աչքներիս առաջա նրա 1 տարվա սարքածը 2 կօղմի գլխին էլ, իրականում եթե չլիներ նա, ես համոզված եմ որ էս գործը կարող էր էնպես գնալ, որ Վարդանի կդատապարտեին 4 տարվա ազատազրկման, դա արդեն իրականում չէր այդքան հունից հանի տուժողին, ու էտ վճիռը շուտվանից օրինական ուժ ստացած կլիներ, ու Վարդանը արդեն կգտնվեր ազատության մեջ, 1/3 հասկացողությամբ, բայց էտ Վարդանի պաշտպանինա պետք շնորհակալություն հայտնել, որ տուժող կողմը՝ ես գրեթե չեմ էլ կասկածում արդեն՝ էս 2 օրվա տեսածիցս հետո,էնպեսա անելու, որ Վարդանը դեռ հնարավորինս շատ մնա կալանավորված, էտ վճիռը հնարավորինս ուշ օրինական ուժ ստանա. նա արդեն երաշխավորումա որ Վարդանը 3 ամսից ամենաշատը՝ ապրիլին, կգտնվի ազտության մեջ՞ .Ճ պապայի արեվը ուղղակի չեմ լսել, ասելա թե չէ՞ իսկինչ վերաբերումա իրա էտ խոսացածներին՝ դրանք ընդամենը իրա սեփական եսի գովքն են,ինքը, եթե ուշադիր եք եղել, շատ վաղուց էր արդեն, երդվելով, .Ճ շեշտում թե ինչպես որոշ կոնկրետ անձնավորություններ ու ինստանցիաներ չեն ունենալու այլընտրանքներ, ու անելու են իրա իսկ շատ երազած ձևի, անինչ ունեցանք էն, ինչ ունենք, Վարդանի պաշտպանը երազախաբ եղեվ ընդամենը .Ճ էսքան բան, ուղղակի ոնց որ թե վարդան /մեծանում հայը/ համաձայնա էս ամենին, ու իրա թողտվությամբա էս ամենը կատարվում,,, մի խոսքով շատ լիքը մարդկանց համար Վարդանը իրա իրական դեմքը ցույց տվեց արդեն, էս էր երևի ինքը ուզում
Armo
Ես ալ կփորձեմ իմ ենթադրություններն ընել «Հ.Շ.»-ի մշուշոտ գաղափարներու շուրջ: «Հ.Շ.»-ն ռեժիմի հերթական չհաջողված պուպրիկներից է, ով կըփորձէ հոս սփյուքահայ խաղալ, (որպեսզի տպավուրություն ստեղծի թե Սփյուքում նաև այլ կարծիքներ էլ կան այս տխրահռչակ սարքած գործի վերաբերյալ) կամ ալ բարեկամըն է ով ճիշտ չի ըմբռնած հօդվածագրին ըսելիքը: Ենթադրություններս հիմնված են զուտ 1 տարուց ավելի համացանցում կատարված իմ անձնական ուսումնասիրությունների վրա: Բոլորը, սկսած Վարդան Պետրոսյանի հարազատ-բարեկամներից (ներառյալ Վարդան Պետրոսյանով) սգացել են ու սգում են դժբախտ պատահարի զոհ դառած երիտասարդների համար: Ռեժիմը իր մարդկային ստոր որակներով ակնառու ձևով տուժողի հարազատների վերքը անվերջ բաց պահելով, համացանցում կեղծ մարդկանց կեղծ կարծիքներ տարածելով, խոչընդոտել է պատահարի զոհ դառած մարդկանց հաշտեցումը: Եթե «Հ.Շ.»-ի դարդը իրոք Հայաստանն է ապա «Հ.Շ.»-ն և նմանատիպ մտածողները թող իմանան, որ Հայաստանի պախարակությունը դա Սերժ Սարգսյանն է իր հանցագորձ ոհմակով և եթե «Հ.Շ.»-ն իրոք շահագռգռված է Հայաստանը պախարակությունից ազատել, ապա դրա միակ ճանապարհը հանձագործներին իրենց հանցաքի համար դատապարտելն ու պատժելն է, որպեսզի մարդկության առաջ մեր ազգային արժանապատվությունը կարողանանք բարձր պահել:
Հ.Շ.
Այս խնդիրը շատ վատ ու ձախող կերպով ընթացաւ, Վարդանի համար, սկիզբից մինչեւ այսօր իսկ, եւ այդ ուղղութեամբ՝ ծանր պատասխանատվութիւն ունին, նաեւ, իր կարգ մը պաշտպաններն ու երկրպագուները: Կ'ասեմ՝ նաեւ, եւ ոչ միայն:
Հ.Շ.
Իսկ եթէ բարեհաճիս լաւապէս կարդալ թէ ինչ եմ գրել մինչեւ հիմա այս նիւթի մասին, պիտի անդրադառնաս թէ ամէնը ի նպաստ Վարդանին է, զինք պաշտպանելու միտումով է: --- Սակայն միաժամանակ՝ անկեղծ ու հարազատ (եւ ոչ թէ ձեւական, երեւութական կամ նոյնիսկ մարտավարական) հասկացողւթեամբ եւ կարեկցութեամբ՝ տուժողներըի նկատմամբ:
11111
Հ,Շ, հանգիստ եղեք, իրանք շատ փոքր են, որպեսզի չհատուցեն այդ գումարը, և դա քաղ, հայցի թեմա է, ու դեռ բողոքարկման, իսկ էն լոպազնրին՝ ի դեմս վարդանի պաշտպանի, ով որ գլուխ գովաց, թե վարդան դուրս գալուց հետո կպակի էտ գումարները իրա արարքի արդյունքում մարդկանց հասցված նաև նյութական վնասները, ասեմ որ, որ իրանք գիտեն, որ սկզբից պիտի մի նետով .Ճ սպանեն Բալոյանին .Ճ նոր փակեն իրականում պատճառված վնասները, նոր գտնվեն ազատության մեջ::: դե թող սկսեն դա
Հ.Շ.
Տուեալ պայմանների մէջ, ամէն պարագայի, մահացած երկու երեխաների եւ ցմահ վիրաւուած ջահելի մը ընտանիքին չէր մնար հարկաւոր կամ ի հարկին արտակարգ ճիգեր թափել այս ուղղութեամբ. ի հարկին տեղի տալ, զիչիլ, տեղատւութիւն անել… Իսկ ահա պարզ մի կէտ ՝ ինչպէ՞ս կարելի է արդարացնել որ Պաշտպան կողմը հերքեց ու մերժեց 1Ձ միլիոն դրամի հատուցման հայցը, եւ այդ ել՝ամբողջութեա՛մբ: Դէմ կանգնեցաւ անոր, եւ որպէս արդիւնք՝ օդի մէջ կախուած մնաց այս կենսական նիւթը… (Ի դէպ՝ իրոք փոքր գումար մըն է այդ, նոյնիսկ համեմատաբար՝ջնջին, եթէ բաղդատենք Արեւմտեան երկիրներում նոյնանման օրինական պարագաների հետ…) Իմ գիտցած Վարդանը այդ գումարը տալու էր, անմիջապէս եւ անմրմունջ, առանց ոչ մի վիճաբանութեան… Ուրեմն, ո՞վ է այդ մասին վիճաբանողը. վատահաբար ոչ հատուցման հայցը ներկայացնողները…: Եւ ուրեմն ի՞նչ պատճառով: Կամ աւելի ճիշդ՝ ի՞նչ հաշիւով…
Հ.Շ.
Յարգելի 11111, ես բեմ կարծում որ Վարդանը, ինք, այս էր ուզում: Սակայն տուեալ պայմանների մէջ, ինք ի վիճակի չէր յստակատես որոշումներ առնելու: Հետեւեցաւ, «յանձնուեցաւ» այլոց խորհուրդներին, ազդեցութեան... անհնար է որ իր նման խելացի եւ իմաստուն անձ մը այսպիսի սխալներ կատարեր... ինքզինք ժխտելու համազօր...... ափսոս...
Հ.Շ.
Որովհետեւ, Սփիւռքում, համարեա թէ ո՛չ մի կարծիք չկայ այս նիւթով: --- Արդարեւ, բացի Ֆրանսայում մի սեղմ ու սահմանափակ շրջանակի, Սփիւռքում գրեթէ մարդ չի ճանչնար իսկ թէ ո՞վ է եղեր Վարդան Պետրոսեանը, ոչ ել հետաքրքրուած է այս երկարապատուն պատմութեամբ: --- Ես այն մի քանի ախպարներից եմ որ բախտն ու պատիւը ունեցել են Վարդանի արուեստին ծանօթանալու, այդ ել՝ հիացմունքով:
Հ.Շ.
Իսկ երբ կ'ասես թէ ուզում եմ «տպավուրություն [ստեղծել] թե Սփյուքում նաև այլ կարծիքներ էլ կան այս տխրահռչակ սարքած գործի վերաբերյալ», քեզ ասեմ, թեկուզ ես այդպէս բան չեմ ասում, սակայն դու ել ճիշտ ես...
Հ.Շ.
Armo ջան, անձնական վիրաւորանքի փորձերը կարող էին թերեւս տեղ հասնել, եթէ լիովին ու ակնյայտօրէն անհեթեթ չլինէին: --- «Սփիւռքահայ խաղալու» վերագրումը յատկապէս ծիծաղելի է, որովհետեւ ես յստակօրէն ու բացայայտօրէն սփուռքահայ եմ, եւ բազմիցս յայտնած եմ իմ ինքնութեան բոլոր մանրամասնութիւնները, ճակատաբաց, ի միջի այլոց այս կայքէջքում: ---

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter