Փետրվարի 5-ին Վրաստանի Կառավարությունը մի քանի ուղղումներ է մտցրել «Միգրացիայի մասին» օրենքի մեջ: Ուղղումների համաձայն` Վրաստանի վիզաները և ժամանակավոր կացությունը հեշտացված կարգով կստանան արտասահմանյան պետոթյունների այն քաղաքացիները, որոնք անշարժ գույք ունեն Վրաստանի տարածքում: Այս մասին հայտնում է Վրաստանի հայ համայնքի կայքը: 

«Մենք շատ հայրենակիցներ ունենք, որոնք ստիպված վերցրել են արտասահմանյան քաղաքացիություն և դեռևս չեն վերականգնել Վրաստանի քաղաքացիությունը: Մենք օրենքում փոփոխություններ ենք մտցրել, որպեսզի հեշտացնենք նրանց կյանքը և հնարավորություն տանք օրինականորեն գտնվել մի երկրի տարածքում, որտեղ ունեն անշարժ գույք: Այդ քաղաքացիները կարող են առանց որևէ սահմանափակումների գտնվել Վրաստանի տարածքում», -հայտարարել է Վրաստանի տնտեսության նախարարը: