ՀՀ նախագահի արարողակարգի վարչության արդեն նախկին աշխատակից Արամ Կանդայանը (Կնդո) մոտ 10 օր առաջ ազատվել է աշխատանքից: Հիշեցնենք, որ այս երիտասարդին ծեծելու պատճառով մոտ մեկ տարի առաջ Բեգլարյանը ստիպված եղավ հրաժարական տալ:

Լուրեր էին պտտվում, թե Կանդայանը նոր աշխատանքի է անցնելու արտաքին գործերի նախարարությունում: Նախօրեին «Հրապարակը» հարցում էր ուղարկել ԱԳՆ հասարակայնության վարչություն (ընդ որում՝ գրավոր, կնքված և ստորագրված բլանկի վրա), թե ինչ պաշտոն է զբաղեցնում Կնդոն ԱԳՆ-ում:

Պարզվեց՝ ոչ մի պաշտոն էլ չի զբաղեցնում: Իսկ նախագահականում զբաղեցրած պաշտոնից ազատվել է ՀՀ նախագահի հրամանով: Կարելի էր ենթադրել, որ նրան աշխատանքից ազատելով՝ ժեստ են արել Գագիկ Բեգլարյանին, սակայն, ըստ որոշ լուրերի, ԱՄՆ կատարած ուղևորության ժամանակ ՀՀ նախագահին ուղեկցած Կանդայանն արարողակարգի ինչ-որ կոպիտ խախտում է արել, և դա է նրան ազատելու պատճառը: