Արժույթի միջազգային հիմնադրամը մարտի 11-ին հավանություն է տվել Ուկրաինայի` 17,7 մլրդ դոլարի ֆինանսական օժանդակության քառամյա ծրագրին: Այս մասին հաղորդում է Bloomberg-ը:

Ոկրաինայի կառավարությունը հույս ունի, որ չորս տարվա ընթացքում տարբեր աղբյուրներից ընդհանուր առմամբ Ուկրաինան կարող է ստանալ 40 մլրդ դոլար:

«Ուկրաինայի օգնության համար ձևավորվող ընդհանուր փաթեթը այն ֆինանսական օժանդակությունը և  ռեֆորմների ֆինանսական հիմքն է, որը կապահովի մեր վճարային բալանսը, մեր ոսկու և վալյուտային պաշարները, և այն այսօր պետք է գերազանցի 40 մլրդ դոլարը»,- ասել է Ուկրաինայի նախագահ Պյոտր Պորոշենկոն Կիևում կայացած մամուլի ասուլիսի ընթացքում: