Անահիտ Բաղդասարյան

Գորիսի տարածաշրջանի Որոտան համայնքում ընտրական գործընթացը դանդաղ, բայց «հետաքրքիր» է անցնում: Երբ բնակիչ Խաչատրյան Քաջիկն իր անունը  փնտրում էր ցուցակում,  տեսավ, որ դրա դիմաց արդեն ստորագրել են: Հանձնաժողովի անդամ Գոհար Գասպարյանը նշեց, որ շփոթվել են ու իր անձնագրի տվյալները գրվել է Լիանա Մարությանի փոխարեն:

Հանձնաժողովի անդամները ուղղակի առաջարկեցին «սլաքով ուղղեն սխալները»: «Հետքը» հարցրեց հանձնաժողովի նախագահ Երեմ Բադիրյանին, թե ինչպես լուծվեց այդ հարցը, պարզվեց, որ նա տեղյակ չէր։ Վերջինս անմիջապես  հայտարարեց, որ պետք է արձանագրություն կազմել՝ չնայած հանձնաժողովի անդամների ընդդիմություններին:  

Ընտրողների մեջ կան մարդիկ, ովքեր գրաճանաչ չեն: Վստահված անձինք փորձում են միջամտել, սակայն հանձնաժողովի նախագահ Երեմ Բադիրյանը խոչընդոտեց նրանց:

12:00-ի դրությամբ ընտրությանը մասնակցել է 34 ընտրող: