Անահիտ Բաղդասարյան

Գորիսի տարածաշրջանի Որոտան համայնքի ղեկավարի ընտրություններում միակ թեկնածուն գործող համայնքապետ, ՀՀԿ անդամ Սուրիկ Օհանջանյանն է, ով արդեն հասցրել է քվեարկել: «Քանի որ ժողովուրդն ինձ հետ է, ուրեմն կընտրվեմ»,- նշեց  նա՝ շեշտելով, որ 2007թ-ից համայնքի ղեկավար է: 37/1 ընտրատեղամասում նրան «աջակցում էին» 3 վստահված անձինք և հանձնաժողովի քարտուղարը, ով գործող համայնքի ղեկավարի կինն է:

Համայնքի ղեկավարի կինը բողոքում էր հանձնաժողովի նախագահի խստապահանջ լինելուց, ով ամեն պահ հետևում էր գործընթացին, արգելում նրան  ներս ու դուրս անել, պարտադրում լրացնել այն անձանց անունները, ովքեր պետք է օգնեն ընտրողներին: 

Հիշեցնենք, որ ժամը 16:00-ի դրությամբ 190 ընտրողներից ընտրությանը մասնակցել է 93-ը։ Ընտրախախտումներ չեն գրանցվել: