Միացյալ Նահանգների Դաշնային պահուստային համակարգի տնօրենների խորհրդի նախկին անդամ Ռոբերտ Հելերը (Robert Heller) «Project Syndicate» - ում հրապարակած իր հոդվածում հետևյալ հարցն է բարձրացնում. «Ինչպես է ստացվել, որ քաղաքական գործիչները կարողացել են վերջինը փոխել նախորդով»:  

«Կայուն գներ» տերմինը շատ պարզ է: Այն նշանակում է, որ ապրանքների զամբյուղը նույն արժեքը կունենա ` 10, 50 և նույնիսկ 100 տարի հետո: Եւ հակառակը, եթե  երկիրը տասը տարի շարունակ ունի տարեկան 2%- անոց գնաճ, ապա նույն տրաբանությամբ, տասը տարի հետո  այժմյան 100  դոլարանոց  ապրանքը կարժենա 122 դոլար: Հարյուր տարի հետո` համապատասխանաբար 724 դոլար:

Վերջերս կոնգրեսում հայտարարություն է արել Դաշնային պահուստային համակարգի նախագահ` Ժանեթ Յելենը (Janet Yellen): Նա մի քանի անգամ հղում է կատարել գների կայունությունը ապահովելու մանդատի վրա, սակայն մի քանի անգամ ավելի շատ նա հիշատակել է Դաշնային պահուստային համակարգի 2%-անոց  գնաճի մասին: «ԱՄՆ- ում գնաճը շարունակում է ավելի ցածր մակարդակի վրա գտնվել, քան հիմնադրամի կողմից նախանշած 2%- ը եւ ընթացիկ  բարձր մակարդակի հրապարակման քաղաքականությունը  մնում է տեղին աշխատանքի շուկայի  պայմանների բարելվման համար եւ նպաստում է  գնաճի մակարդակը  վերադարձնելու 2%-ին»,- ասել է ` Ժանեթ Յելենը:

Դաշնային պահուստային հիմնադրամն  իսկապե՞ս  ցանկություն ունի  բարձրացնել տարեկան գնաճի մակարդակը մինչև 2%-ի այնպես, որ  հաջորդ հարյուրամյակի ընթացքում երկրում գներն աճեն 700%- ով: Արդյո՞ք հենց այս նկատի ունի կոնգրեսը, երբ Դաշնային պահուստային համակարգին հանձնարարել է հասնել «կայուն գների»:

Դաշնային պահուստային համակարգի  նախկին ղեկավարը` Ալան Գրինսպենը (Alan Greenspan) գիտեր որ դա այդպես չէ: Դեռևս 1996 թվականի հուլիսի 2 –ին  Դաշնային  պահուստային համակարգի գնաճի գործընթացին նվիրված նիստի ժամանակ, Գրինսպենը առաջ քաշեց հետեւյալ պարզ հարցը. «Մենք խոսում ենք գների կայունության, թե զրոյական գնաճի մասին,- հարցրել է նա,- Ինչպես մենք բոլորս գիտենք, դրանք երկու տարբեր հասկացություններ են»:

Քննարկումը շատ արագ դժվարությունների բախվեց, կապված  գնաճի ճշգրիտ հաշվարկման և դեֆլացիայից խուսափելու համար «անվտանգության բարձիկ» ստեղծելու անհրաժեշտության հետ: Ըստ Գրինսպենի. «գների կայունությունն այն իրավիճակն է, որի ժամանակ ենթադրվում է, որ ընդհանուր գների փոփոխությունը մեծ ազդեցություն չի ունենա գործնական և կենցաղային որոշումների վրա»:  

Դաշնային պահուստային համակարգի ղեկավար  Զենեթ Յելենը բավարարված չէր բացատրությունով . «Խնդրում եմ, կարող եք ասել այդ թիվը»:  Գրիսպենի պատասխանը սպառիչ էր. «Կարծում եմ, որ այդ թիվը զրոն է, եթե ճշգրիտ հաշվարկենք գնաճը»:

Մինչև այս հանդիպումը ըստ FOMC – ի (Դաշնային  պահուստային համակարգի ի կազմի մեջ մտնող կոմիտե , որը գործառույթներ է իրականացնում ազատ շուկայում) սպառողական գների ինդեքսը տարեկան կտրվածքով բարձրացել էր մոտավորապես 3%-ով : Քննարկման մեծ մասը նվիրված էր նրան , թե արդյոք անհրաժեշտ է, որ Դաշնային պահուստային համակարգը դանդաղեցնի գների  տարեկան աճը հասցնելով 2%-ի, կամ նույնիսկ ավելի ցածր ցուցանիշի: Այսպիսով ամրապնդվեց հաջողությունները`գնաճի դեմ դժվարին պայքարից հետո, որը վերջին 15 տարիների ընթացքում վարել են քաղաքական գործիչները: Գրիսպենը ամփոփեց այսպես. «… այժմ մենք բոլորս համաձայնվում ենք 2%- ի հետ»:

Ասպիսով, առաջացավ Դաշնային պահուստային հիմնադրամի նպատակային գնաճի 2%-ի գաղափարը: Հետագա քննարկումների ընթացքում «FOMC»- ի մի քանի անդամներ պնդում էին , որ գնաճը հնարավոր է նվազեցնել 2%- ից: Սակայն ոչ ոք չէր պնդում, որ հարկ է բարձրացնել գնաճը, եթե ամենացածր, բայց, այնուամենայնիվ, դրական շեմը հաղթահարված է:

Խորհրդակցությունից հետո Գրինսպենը հորդորեց «FOMC»- ի անդամներին գաղտնի պահել նպատակային գնաճի մասին քննարկումները: «Ես ձեզ կասեմ` ինչ կպատահի եթե 2% գնաճի մասին ինֆորմացիան դուրս գա այս սենյակից, մենք կունենանք ավելի շատ խնդիրներ, քան ես պատկերացնում եմ, ավելի շատ, քան ձեզնից որևե մեկը կարող է ենթադրել»:

« FOMC »- ը պաշտոնապես հայտարարություն չի արել նպատակային տարեկան 2%- ոց գնաճի  մասին, որի մասին, վերջ ի վերջո հայտարարեց,  Բեն Բերնենկին (Ben Bernanke) 2012 թվականին : Նա ղեկավարում էր Դաշնային պահուստային հիմնադրամը:

«FOMC» - ի կողմից բոլոր որոշումների հիմքում ընկած է գնաճի 2%-անոց նպատակային ցուցանիշն ապահովելու գաղափարը:

Այս փուլում Դաշնային պահուստային համակարգի քաղաքականությունում առաջնայինն ուղղված է գնաճի  ցուցանիշների ավելացմանը: Կոնգրեսը Դաշնային պահուստային համակարգին նման մանդատ չի տվել: Դաշնային պահուստային համակարգի մասին օրենքն ասում է`  ԴՊՀ-ը ամերիկյան արժույթի համար պետք է հասնի  «կայուն գների»` չափավոր տոկոսադրույքներով և առավելագուն զբազվածությամբ: Քանի դեռ  գնաճը գտնվում է 0 ից մինչև 2% միջակայքում ` Դաշնային պահուստային համակարգը  պետք է հայտարարի հաղթանակի մասին :