Տեսանյութեր
Լուսանկարներ
Իռլանդիայի նորանշանակ դեսպանն իր հավատարմագրերն է հանձնել Սերժ Սարգսյանին
Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Իռլանդիայի նորանշանակ արտակարգ և լիազոր դեսպան Ջոն Բիգարը:
Սարգսյանը շնորհավորել է դեսպանին պաշտոնն ստանձնելու կապակցությամբ և հույս հայտնել, որ որպես փորձառու դիվանագետ՝ Ջոն Բիգարն իր դիվանագիտական առաքելության իրականացման ընթացքում որակական նոր փուլ կտեղափոխի հայ-իռլանդական հարաբերությունները:
Զրուցակիցները համակարծիք են եղել, որ քաղաքական ակտիվ երկխոսությունը կխթանի նաև Հայաստանի և Իռլանդիայի միջև առևտրատնտեսական ոլորտում փոխգործակցության զարգացումը:
Սերժ Սարգսյանը և Իռլանդիայի դեսպանը կարևորել են հեռանկարային մի շարք ոլորտներում՝ հումանիտար, տեղեկատվական տեխնոլոգիաների, գյուղատնտեսության, դեղագործության և այլն, սերտ համագործակցությունն ու փորձի փոխանակումը: Կարևորվել է նաև երկու երկրների միջև տարբեր միջազգային կազմակերպությունների շրջանակներում միմյանց աջակցությունն ու արդյունավետ համագործակցության զարգացումը:
Հանդիպմանը նախագահը դեսպան Ջոն Բիգարին ներկայացրել է Հայոց ցեղասպանության 100-րդ տարելիցի կապակցությամբ 2015 թվականի հիշատակի միջոցառումներն ու դրանց խորհուրդը:
Դեսպան Բիգարը շնորհակալություն է հայտնել շնորհավորանքի համար և վստահեցրել, որ դիվանագիտական առաքելության իրականացման ընթացքում կանի ամեն հնարավորը ամրապնդելու Հայաստանի և Իռլանդիայի միջև կապերը, որի համար, ըստ նրա, կան անհրաժեշտ բոլոր նախադրյալները:
Մեկնաբանել