Քիչ առաջ մամուլում լուրեր տարածվեցին, թե ոստիկանապետ Ալիկ Սարգսյանն ազատվել է աշխատանքից, եւ այդ հարցը քննարկվել է մոտ կես ժամ առաջ ավարտված ՀՀԿ կուսակցության գործադիր մարմնի եւ խորհրդի նիստերում: Ըստ մամուլի` Ալիկ Սարգսյանը նշանակվելու է ՀՀ նախագահի աշխատակազմի ղեկավարի պաշտոնում:

ՀՀԿ կուսակցության մամուլի խոսնակ, պատգամավոր Էդուարդ Շարմազանովը մեզ հետ զրույցում ասաց, որ կուսակցությունն իրավասու չէ ուժային մարմինների գործունեությանն անդրադառնալ, քանի որ Սահմանադրությամբ այդ իրավունքը վերապահված է ՀՀ նախագահին:

«Կուսակցությունը ուժայինների խնդիրներին չի անդրադառնում: Ես տեղյակ չեմ Ալիկ Սարգսյանն աշխատանքից ազատվել է, թե ոչ»,-ասաց Էդուարդ Շարմազանովը: