«Էյ Թի Փի» ընկերությունը տեղեկացնում է, որ ապրիլ ամսվա ընթացքում 58,200 ծառ տնկվել հանրապետությունում, որից 4,900ը պտղատու ծառեր են: Մինչ այսօր «Էյ Թի Փի»-ն 4,781,520 ծառ է տնկել 1994թ-ից սկսած: Ծառատունկը անցկացվել է 134 տարբեր տարածքներում, որոնցից 41-ը նոր էին «Էյ Թի Փի»-ի համար։ Տնկումներն իրականացվել են  եկեղեցիների բակերում, փախստական և սահմանամերձ գյուղերում, դպրոցներում և թանգարաններում։

Մուսալեռ գյուղի Մուսա Դաղի հերոսամարտին նվիրված թանգարանի տարածքում ծառ տնկելուց բացի, ոռոգման համակարգ տեղադրվեց նոր տնկիները պահպանելու համար` երջանկահիշատակ Հայկ Բոյաջյանի առատաձեռն նվիրատվության մի մասով։ Հատուկ ծառատունկ է իրականացվել Փոքր Մհեր ռազմական կրթահամալիրում, Դիլիջանի միջազգային դպրոցում, Միջազգային որակյալ դպրոցների Երևանի մասնաճյուղում և Մալաթիա-Սեբաստիա համայնքում գտնվող Ավետիսյան դպրոցում։

Այս գարուն բազմաթիվ համայնքային անտառներ հիմնվեցին Կոտայքի, Լոռու և Շիրակի մարզերում։ Գարնանային ծառատունկի ժամանակ օգտագործված տնկիները աճեցված են «Էյ Թի Փի»-ի Կարինի, Խաչփարի և Մարգահովտի տնկարաններում, ինչպես նաև Աղավնավանք գյուղի մանր ձառնարկատիրությունների վրա հիմնվաած տնամերձ տնկարաններում։

«Էյ Թի Փի»-ի նպատակներից մեկն է օգնել հայ ժողովրդին ծառերի օգտագործման միջոցով բարելավել իրենց կենսամակարդակը, ինչպես նաև պահպանել շրջակա միջավայրը: Այդ առաքելությունն իրականացնելու համար «Էյ Թի Փի»-ն ծառեր է մատակարարել փախստական և սահմանամերձ գյուղերին։ Դրանցից էին Կալավանը, Ներքին Կարմրաղբյուրը, Այգեպարը, և Չինարին։

«Գտնվելով աշխարհագրական դժվարին գոտում (հարևանների կրակոցների ներքո), սահմանագծում գտնվող գյուղացին միայնակ չի կարող հաղթահարել իր առջև դրված խնդիրները: Ձեր բարեգործությունը ավելի ամուր կկապի չինարեցուն իր հող ու ջրին։ Դուք համայնքին հույս տվեցիք և ամենակարևորը հավատ ու համբերություն ապագայի հանդեպ»,- իր շնորհակալագրում նշում է Չինարի համայնքի ղեկավար Ս․ Սաղոյանը։

Ակբա-Կրեդիտ Ագրիկոլ բանկը, Ասիական զարգացման բանկը, Բիբլիոս բանկը իրենց կորպորատիվ սոցիալական պատասխանատվություն (ԿՍՊ) ծրագրի շրջանակներում մասնակցեցին մեր գարնանային ծառատունկին։

«Անչափ ուրախ ենք նշել, որ ԿՍՊ-ն ծաղկում է Հայաստանում՝ գրավելով նորանոր կազմակերպությունների ուշադրութմունը: Այս տարվա գարունը բավականին բարենպաստ էր և սովորականից ավելի երկար տևեց, որը մեզ հնարավորություն ընձեռեց իրականացնել մեծաքանակ տնկումներ»,- նշեց «Էյ Թի Փի»-ի փոխտնօրեն Արթուր Հարությունյանը։

Այս Գարուն, «Էյ Թի Փի»-ի  անտառվերականգման ծրագիրը շարունակվեց Լոռու մարզում։ 23,200 դեկորատիվ և 300 պտղատու ծառ տնկվեց Միխայելովկա գյուղում բլուրի վրա։ Ավելի քան 200,000 ծառ է նախատեսված աշնանը անտառվերականգման ծրագրով։ 

Ծառատունկից բացի, «Էյ Թի Փի»-ն կազմակերպեց հանրային աղբահավաք որը նվիրված էր համաշխարհային Երկրի օրվան: Օտարերկրյա դիվանագիտական առաքելությունները, միջազգային համայնքը և բազմաթիվ տեղական և միջազգային կազմակերպություններից ներկայացուցիչները մաքրեցին Երևանի Մանկական Երկաթուղու հարակից տարածքում գտնվող Հրազդան գետի ափերը։ 

«Էյ Թի Փի»-ի  նպատակն է օգնել հայ ժողովրդին ծառերի օգտագործման միջոցով բարելավել իր կենսամակարդակը, ինչպես նաև պահպանել շրջակա միջավայրը: Այդ առաքելութունն իրականացնելիս մենք առաջնորդվում ենք հետևյալ խնդիրներով. աջակցել մարդկանց և, առաջին հերթին, չքավորներին հոգալու իրենց կարիքները, ինչպես նաև պահպանել բնական էկոհամակարգը: