Տեսանյութեր
Լուսանկարներ
Արմեն Աշոտյան. «Դպրոցներում երեխաներին ձեռներեցության մասին տարրական գիտելիքներ տալը ժամանակի պահանջ է»
Այսօր կրթության և գիտության նախարար Արմեն Աշոտյանը և «Հայաստանի պատանեկան նվաճումներ» ՀԿ-ի գործադիր տնօրեն Արմինե Հովհաննիսյանը ստորագրել են համագործակցության հուշագիր՝ ուսուցիչներին վերապատրաստելու, ուղեցույցներ և մեթոդական ձեռնարկներ մշակելու, դպրոցական և զանգվածային միջոցառումներ կազմակերպելու վերաբերյալ:
Արմեն Աշոտյանը հուշագրի շրջանակում կարևորել է հատկապես դպրոցական ծրագրում տնտեսագիտական և ձեռներեցության հմտություններ ներգրավելը: «Տնտեսագիտություն» առարկան պարտադիր չի լինելու և ներառվելու է լրացուցիչ կրթական ծրագրերում:
«Աշխարհում, որն այսօր ունի իր կանոնները, հաջողակ է համարվում նորարար և ստեղծագործ մարդը: Մենք՝ որպես կրթության լիազոր մարմին, կարևորում ենք աշակերտների նախաձեռնողականությունը: Այդ իմաստով դպրոցներում երեխաներին ձեռներեցության մասին տարրական գիտելիքներ տալը ժամանակի պահանջ է»,- ասել է Արմեն Աշոտյանը:
ՀՀ ԿԳՆ-ի և «Հայաստանի պատանեկան նվաճումներ» ՀԿ-ի համագործակցության արդյունքում կազմակերպվել է ուսուցիչների վերապատրաստում, հանրակրթական պետական ծրագրերում ներմուծվել են «Կիրառական տնտեսագիտություն», «Մարդու իրավունքներ», «Քաղաքացիական կրթություն», «Պետություն և իրավունք» առարկաները, որոնք միավորվելով 2010 թ.-ից ներառվել են «Հասարակագիտություն» ինտեգրված առարկայի ծրագրում:
Մեկնաբանություններ (1)
Մեկնաբանել