Համաշխարհային թմրաբիզնեսի նոր սերնդի «Սփայս» անվամբ հայտնի դիզայներական թմրամիջոցների մի քանի տեսակներ ընդգրկվել են ՀՀ տարածքում արգելված թմրանյութերի և հոգեմետ նյութերի ցանկում:

Կառավարության այսօրվա նիստում համապատասխան լրացում է կատարվել ավելի վաղ ընդունված որոշումներից մեկում: 2003 թվականի օգոստոսի 21-ի «Հայաստանի Հանրապետությունում հսկման ենթակա թմրամիջոցների, հոգեմետ (հոգեներգործուն) նյութերի և դրանց պրեկուրսորների կազմը (ցանկը) հաստատելու մասին» N 1129-Ն որոշման հավելվածի 1-ին ցուցակը լրացվել է «Դիհիդրոէտորֆին», «Կոդոքսիմ» և «Կլոնիտազեն» դեղատեսակներով: