«IBM» ընկերությունը շարունակում է գովազդել իր ստեղծած արհեստական ինտելեկտը, որը ստացել է «Watson»  անունը: «Watson» դեռ չի սովորել մտածել մարդու նման, սակայն գերհամակարգչին արդեն կարելի վստահել միլիարդների հասնող վերլուծական գործարքներ:

«IBM»  ընկերության բաժնետոմսերը աճել են 1,03%-ով և արժեն 172,30 դոլար:  Պատճառներից մեկը ընկերության ղեկավար Ջինի Ռոմետայի ելույթն է: Նա ասել է, որ ապագայում «Watson»-ի նման համակարգերը մարդկանց հուշելու են կարևոր խնդիրների լուծման ուղիները:  Իհարկե, աճուրդի մասնակիցները ուշադրություն են դարձնում ոչ այնքան ամպագորգոռ հայտարարություններին, այլ նախեւառաջ «IBM» ընկերության տեխնոլոգիաների կիրառման ներուժին:

Հայտնի է, որ «Watson»-ը ինտեգրվելու է «IBM»-ի վերլուծական  ստորաբաժանմանը,  իսկ այսօր ընկերության բիզնեսի այդ հատվածը գնահատվում է 17 միլիարդ դոլար: Գերհամակարգչի կոնկրետ առաջադրանքը առողջապահության ոլորտում վերլուծական որոշումներ գտնելն է: Ըստ համակարգը մշակողների` «Watson»-ն ընդունակ է վերլուծել շուրջ 12 միլիոն բժշկական գրառումներ և տալ  ճշգրիտ ախտորոշում ավելի արագ, քան ցանկացած բժիշկ:

Ակնհայտ է, որ «Watson»-ի վերլուծությունը հիմք չի հանդիսանալու, նրանից հետո ախտորոշումը ստուգելու են իրական բժիշկները: Ամեն դեպքում համակարգի կողմից արված վերլուծությունը  կօգնի կրճատել ժամանակը, որը ծախսվում է հիվանդության ախտորոշման ժամանակ: Բացի դրանից՝ «Watson»-ն այն միակ «բուժաշխատողը» կլինի, որն ընդունակ է վերլուծել ոչ թե առանձին գրառումներ, այլ տվյալ հիվանդի և նրա հիվանդության մասին ամբողջ ինֆորմացիան: Համակարգն ընդունակ է հիշել այն ամենը, ինչը նա սովորել է և երբեք չի խճճվի թվերի և տվյալների մեջ:

Հայտնի է նաև, որ «Watson»-ին «կհանձանարարվի» ուսումնասիրել սոցիալական ցանցերի լրահոսները եւ իմանալ ամենակարեւոր գործարքների մասին: Առավել հայտնի թեմաների մասին ինֆորմացիայի վերլուծությունները համակարգին թույլ կտա կանխատեսումներ անել ապագա իրադարձությունների վերաբերյալ: Նշենք, որ գերհամակարգիչը նյութերը կարող է կարդալ տարբեր լեզուներով եւ ընդունակ է համեմատել քաղաքացիների` տարբեր երկրներում քննարկվող նույն խնդրի վերաբերյալ ունեցած տեսակետները: