«Deutsche Bank»-ի խորհրդի համանախագահներ Յուրգան Ֆիչեն եւ Անշու Ջեյնը հայտարարել են, որ թողնում են  իրենց պաշտոնները: Այս մասին նշված է բանկի պաշտոնական հաղորդագրության մեջ: 

Ջեյնը իր պաշտոնից կհեռանա, սակայն կմնա բանկում որպես խորհրդական: Ֆիչեն կմնա գործադիր տնօրեն մինչեւ 2016-ի մայիս, երբ կկայանա բանկի տարեկան ժողովը:

Հուլիսի մեկից համանախագահ կդառնա Ջոն Կրայենը, եւ Ֆիչենի հեռանալուց հետո նա կդառնա «Deutsche Bank»-ի միանձնյա ղեկավարը: Ավելի վաղ համանախագահների հրաժարականի մասին հայտնել է «Wall Street Journal»-ը:

Իսկ մինչ այս հրաժարականները «Bloomberg»-ը, հղում կատարելով իր աղբյուրներին,  նշել է, որ «Deutsche Bank»-ը ներքին հետաքննություն է անցկացնում ռուսական հաճախորդների կողմից 6 միլիարդ դոլարի չափով փողերի լվացման կասկածանքով: