Վրաստանի հայ համայնքը հայտնում է, որ հունիսի 19-ին Սամցխե-Ջավախքի Ադիգենի մունիցիպալիտետում հորդառատ անձրևների ընթացքում վնասվել են միջհամայնքային ճանապարհներ:

Տեղեկություն է տարածվել փոքր կամուրջների վնասման և գյուղատնտեսության կրած վնասի մասին:

«Տարերային աղետը վնաս է հասցրել Գորգուլի, Կարատուբան, Լելովանի, Ադիգենի և Աբասթումանի գյուղերին: Աբասթումանում տարերքի հետևանքով վնասվել է տեղի էլեկտրոկայանը: Քաղաքը դեռևս ապահովված չէ էլեկտրականությամբ (19 հունիսի, 18:00 –խմբ.): Մունիցիպալիտետը տարերքի հասցրած վնասը հաշվարկելու աշխատանքներ է վարում», -ասել է Զաքարիա Էնդելաձեն` Սամցխե-Ջավախք շրջանի Ադիգենի մունիցիպալիտետի ղեկավարը: