Երեկ գիշերը տեղի ունեցած իրադարձությունների և մասնավորապես լրագրողների նկատմամբ այդ ընթացքում կիրառված բռնությունների մասին այսօր խոսեցին ՙՀետք՚ թերթի լրագրողներ Անի Հովհաննիսյանը և Հրանտ Գալստյանը, ովքեր բերման էին ենթարկվել ոստիկանության Շահումյանի բաժանմունք, News.am կայքի լրագրող Աիդա Հովհաննիսյանը, բաժանմունքում Հ.Գալստյանի շահերի պաշտպան փաստաբան Գրիշա Բալասանյանը և Հայաստանի Հելսինկյան կոմիտեի փաստաբան Ռոբերտ Ռևազյանը։ 

Հիշեցնենք, որ ոստիկանությունը 05:30-ի սահմաններում Բաղրամյան պողոտայում ջրցան մեքենայի օգնությամբ ցրել էր էլեկտրաէներգիայի թանկացման դեմ նստացույցը, որը մեկնարկել էր երեկոյան ժամը 8-ին: Ոստիկանությունը անհամաչափ ֆիզիկական ուժ էր կիրառել ինչպես ակտիվիստների, այնպես էլ լրագրողների նկատմամբ: