Այս տարվա մայիսի դրությամբ Հայաստանի  համախառն միջազգային պահուստները կազմել են  1,598  մլրդ ԱՄՆ դոլար: Ապրիլի համեմատ  դրանք ավելացել են մոտ 102,9 մլն դոլարով։

Մայիսին ազատ փոխարկելի արժույթով արտաքին ակտիվները կազմել են 1,595 մլրդ դոլար։ Ոսկի և ԱՄՀ-ում փոխարկելի արժույթ չունենք։ Այս մասին վկայում են ՀՀ Կենտրոնական բանկի տվյալները։

Նկատենք, որ միջազգային պահուստներն ավելացել են նաև այս տարեսկզբի համեմատ։

Նշենք, որ մեկ տարի առաջ՝ 2014-ի մայիսին, Հայաստանի միջազգային պահուստները կազմել են   1,867 մլրդ դոլար։ Իսկ 2014-ի հունվարի սկզբի դրությամբ՝  2,113  մլրդ դոլար։