![](/static/articles/61/25/l-frOBNHXrud.jpg)
«Չորրորդ ինքնիշխանություն». Վլադիմիր Գասպարյանը փնովել է իր նախորդին
«ՉԻ» տեղեկություններով` նորանշանակ ոստիկանապետ Վլադիմիր Գասպարյանը բավականին կոպիտ մեթոդաբանությամբ է սկսել իր պաշտոնավարումը: Բանն այն է, որ նա եկել եւ կոլեգիայի նիստ է նշանակել այն ժամանակ, երբ Ալիկ Սարգսյանն անգամ դեռեւս հասցրած չի եղել հավաքել իր իրերը ոստիկանապետի աշխատասենյակից: Վլադիմիր Գասպարյանը ոստիկաններին սկսել է հանձնարարականներ տալ, իսկ Ալիկ Սարգսյանն իր իրերն է այդ ժամանակ հավաքելիս եղել:
Գասպարյանն այդ հավաքին հայտարարել է, թե երեք տարի խոսել եք, հիմա եկել է գործ անելու ժամանակը: «Էլ չենք խոսելու, գործ ենք անելու»,- իր հանդիպման առաջին օրն իսկ ընդգծել է Գասպարյանը:
Համաձայնեք, որ սա անհարգալից վերաբերմունք է առաջին հերթին նրանց հանդեպ, ում հետ շարունակելու է աշխատել Վլադիմիր Գասպարյանը, եւ երկրորդ՝ բացահայտ արհամարհանք առ Ալիկ Սերգեյիչը:
Ստացվում է, որ Գասպարյանը սկսել է փնովել իր նախորդին ճիշտ այն պահին, երբ նա պաշտոնանյության լուրից անակնկալի եկած` սեփական իրերն է հավաքելիս եղել:
Մեկնաբանություններ (1)
Մեկնաբանել