HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ձերբակալվել են Սուրիկ Խաչատրյանի նկատմամբ սպանության փորձ կատարելու մեջ կասկածվողներ

ՀՀ Սյունիքի մարզպետ Սուրիկ Խաչատրյանի և նրա ուղեկիցների նկատմամբ 2015թ. մայիսի 20-ին ժամը 18:15-ի սահմաններում հրազենի գործադրմամբ սպանության փորձ կատարելու դեպքի առթիվ իրականացվող նախաքննության ընթացքում ՀՀ ԱԱԾ մարմինների կողմից ձեռնարկված օպերատիվ-քննչական գործողությունների արդյունքում, նշված հանցագործությանն  առնչակից լինելու կասկածանքով, 03.07. 2015թ. ձերբակալվել են ՀՀ Սյունիքի մարզի Կապան քաղաքի բնակիչներ՝ Գարեն Ռոմիկի Աթաջանյանը, Հենրիկ Շահենի Ավագյանը և Գորիս քաղաքի բնակիչներ Վիտալի Վլադիմիրի Մինասյանը և Արա Էմիլի Բուդաղյանը: Այս մասին հայտնում է ՀՀ Ազգային անվտանգության ծառայության քննչական վարչությունը: 

Օրենքով սահմանված կարգով կատարված խուզարկությունների արդյունքում ձերբակալված անձանց պատկանող բնակարաններից, այլ շինություններից, ըստ ԱԱԾ տարածած հաղորդագրության, հայտնաբերվել է մեծ քանակությամբ զենք և ռազմամթերք, այդ թվում՝ «ԱԿ-74» տեսակի 5. 45 մմ տրամաչափի ինքնաձիգ՝ փամփշտատուփերով և փամփուշտներով:

Ներկայումս իրականացվում են ձերբակալման համար հիմք հանդիսացած կասկածանքի հաստատմանը կամ հերքմանը, ինչպես նաև քրեական գործով պարզաբանման ենթակա այլ հանգամանքների ստուգմանն ուղղված տարաբնույթ քննչական և օպերատիվ գործողություններ: Դեպքի վայրում հայտնաբերված գնդակների ու պարկուճների և առգրավված զենքի նույնականությունը  պարզելու համար նշանակվել են փորձաքննություններ:

 

 

Մեկնաբանություններ (1)

Վեհարի
Օրենքի տարօրինակ, հակահայկական կիռարում: Մեկին կարելի է մի արսենալ զենք ունենալ, ու այդ զենքերով տարիներ շարունակ հայ մարդկանց սպանել, իսկ մյուսներին անօրինություններից պաշտպանվելու համար ոչ մի հնարավորություն: Հազարավոր մարդիք բղավում են` , իսկ մեր հարկատուների գումարներով նկարահանող թանկագին սարքերով, ջրցան հրանոթներով, համակարգիչներով հագեցած և մինչ ատամները զինված ,,մեր,, ոստիկանության հիմնական գործը այդ թալանչիներին պաշտպանելն է դարձել:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։