Լուրեր են շրջանառվում, որ առաջիկա օրերին նախարարների փոփոխություն է լինելու նաև «Բարգավաճ Հայաստան» կուսակցությունում: Ըստ մեր աղբյուրի՝ ԲՀԿ-ն փորձելու է կառավարությունում ուժեղացնել իր դիրքերը, ինչը հնարավոր է անել միայն նախարարներին փոխելով:

Արդեն խոսվում է այն մասին, որ առաջիկա օրերին աշխատանքից առաջինը կհեռանա սպորտի և երիտասարդության հարցերի նախարար Արթուր Պետրոսյանը, որին կհաջորդեն այլ նախարարներ:

Ազգային ժողովի ԲՀԿ խմբակցության պատգամավոր Նաիրա Զոհրաբյանը, սակայն, «Հետքի» հետ զրույցում ասաց, որ իրենք նախարարների փոփոխություն չեն նախատեսել:

«Վստահաբար կարող եմ ասել, որ նման բան չկա: Սպորտի և երիտասարդության հարցերի նախարարը նույնպես հրաժարականի դիմում չի գրելու»,- ավելացրեց Նաիրա Զոհրաբյանը: