Հովիկ Աբրահամյանն ընդունել է Ռուսաստանի Դաշնությունից ժամանած մի խումբ գործարարների:

Աբրահամյանը ողջունել է նրանց այցը Հայաստան և նշել, որ կառավարությունը պատրաստ է աջակցել տարբեր ոլորտներում նրանց կողմից հնարավոր ներդրումային ծրագրերի իրականացման աշխատանքներին:

Հանդիպման ընթացքում զրուցակիցները քննարկել են Հայաստանում մի քանի խոշոր ծրագրերում ներդրումներ իրականացնելու հնարավորությունը: 

Գործարարները շնորհակալություն են հայտնել Հ. Աբրահամյանին ջերմ ընդունելության և աջակցություն ցուցաբարելու պատրաստակամության համար: