Որբաթ օրը բորսաներում սուրճի գինը բարձացավ և, մայիս ամսից սկսած, հասավ իր առավելագույնին: Գնի բարձրացումը պայմանավորված է սուրճի պահուստների սակավությամբ և Բրազիլիայում այս տարի բերքի քչությամբ:

Վերջին երեք ամիսների ընթացքում «Արաբիկա» տեսակի սուրճի գինը  հասել է իր առավելագույնին: Գինը Նյու Յորքի բորսայում աճել է 0.7 %- ով՝ մեկ ֆունտի դիմաց հասնելով 1426 դոլարի:

Լոնդոնի բորսայում «Ռոբուստա» տեսակի սուրճի գինը աճել է 0.2 %- ով՝ հասնելով  մեկ տոննայի դիմաց 1708 դոլարի:

Սա հերթական թանկացումներն են, հուլիսի 17- ին  ICE Futures Europe - ում «Ռոբուստա»  տեսակի սուրճի «ֆյուչերսները» (սեպտեմբերի առաքմամբ) միանգամից աճեցին  9.3% - ով (2014 թվականի փետրվարից սկսած ամենամեծ աճն է), այսպիսով մեկ տոննայի դիմաց սահմանելով 1705  դոլար: Նյու Յորքի բորսայում «Արաբիկա» տեսակի սուրճի գինը աճեց 5%- ով:

Bloomberg- ը հայտնում է որ,  Terra Forte մատակարար ընկերության հաշվետվությունում նշված է, որ Բրազիլիայում այս տարի սուրճի բերքը շատ քիչ է և պահուստները նույնպես բավարար չեն: Պահուստները նվազել են՝ հասնելով 4,656 միլիոն պարկի, նախորդ տարի դրանք  14 միլիոն էին: 2015 թվականին Բրազիլաիյում սպասում են 47,28 միլիոն պարկ բերք, սակայն զգալի ռիսկերը կարող են պատճառ դառնալ բերքի նվազման համար: