Տարիներ շարունակ Երևանը համարվել է շատրվանների քաղաք, սակայն մինչև անցյալ տարի Երևանի կենտրոնական հատվածներում դեռևս կային շատրվաններ, որոնք չէին գործում: Նշենք, որ  Երևանը գտնվում է տեղանքային 2 գոտում` 850-1000 մ բարձրություններում կլիման անապատային-կիսաանապատային է, ավելի բարձրում` չոր տափաստանային: Այսպիսի բնակլիմայական պայմաններում, դրան գումարած քաղաքում նորմայից ավել փոշու և մի քանի այլ վնասակար նյութերի առկայությունը, խիստ անհրաժեշտություն է ջրային տարածքների առատությունը: Այս առնչությամբ «Հետքը» զրուցեց Երևանի քաղաքապետարանի «Ջրային կառույցներ» փակ բաժնետիրական ընկերություն փոխտնօրեն Տիգրան Սաղաթելյանի հետ` տեղեկանալու, թե կա՞ն, արդյոք, քաղաքում չգործող շատրվաններ, սակայն վերջինս ասաց, որ իրենց գործունեությունը կապված է միայն շահագործվող շատրվանների ու ջրային կառույցների հետ: Այնուհետև նա մեզ տրամադրեց իրենց ընկերության կողմից շահագործվող օբյեկտների ցանկը, որը ներկայացնում ենք ստորև.

• Գունաերաժշտական շատրվաններ Հանրապետության հրապարակում

• Շատրվան մետրոյի «Հանրապետության հրապարակ»   կայարանի մոտ   

• Շատրվաններ 2750-ամյակի անվան և ահումյանի արձանի մոտ

• Ջրավազան «Կարապի լիճ»  

• Շատրվան Վ. Դավթյանի անվան այգում

• Շատրվաններ Օղակաձև զբոսայգու 3-րդ հատվածում (Կամերային երաժշտության տան մոտ)

• Շատրվաններ Օղակաձև զբոսայգու 4-րդ հատվածում (Տնտեսագիտական ինստիտուտի մոտ)   

• Խճանկարային ջրվազան Օղակաձև Օղակաձև զբոսայգու 4-րդ հատվածում (Նալբանդյանի արձանի մոտ)

• Մեծ գեղարվեստական շատրվան Օղակաձև զբոսայգու 5-րդ հատվածում

• Ջրավազան Օղակաձև զբոսայգու 5-րդ հատվ. Ֆիզկուլտինստիտուտի մոտ

• Ջրավազան Սասունցի Դավթի արձանի մոտ

• Բարաժներ Հրազդան գետի վրա

• Երևանյան ջրամբար

• Արհեստական լիճ «Հաղթանակ» զբոսայգում

• Գետ Գետառ 14,5 կմ երկարությամբ

• Գետ Ջրվեժ 5 կմ

• Գետ Ողջաբերդ 6 կմ

• N 4 ջրավազան Օղակաձև զբոսայգու 6-րդ հատվածում

• N 5 ջրավազան Օղակաձև զբոսայգու 6-րդ հատվածում

• Սքեյթբորդի խաղահրապարակ

• Շատրվան Աբովյան-Թումանյան փփ. Խաչմերուկում

• Նոր Նորքի գեղարվեստական շատրվան

• «Կարապի լիճ» սահադաշտ

• Շատրվաններ Գ. Նժդեհի  անվան հրապարակում

• Շատրվաններ  «Շողակաթ» հ/ը մոտ

• Երևանյան ջրամբարի շատրվան

• Երևանյան ջրամբարի հավաքակայան

• Հանրապետական հիվանդանոցի մոտ գտնվող լողավազան

• Ազատամարտիկների 5-րդ նրբանցքի և Նոր Արեշի 22-րդ փողոցի հատման մասում գտնվող այգու շատրվան

• Շիրակի փող. Հհ 12,14 շենքերի միացյալ բակում հանգստի գոտու շատրվան

• Գայի պողոտայի այգու շատրվաններ

• Գլխավոր պողոտայի Նալբանդյան-Հանրապետության փփ. Միջև գտնվող շատրվաններ

Տեղեկացնենք, որ համաձայն Երևանի զարգացման 2014-2017 թվականների քառամյա ծրագրի` 2009-2013թթ. ընթացքում Երևանի քաղաքապետարանի «Ջրային կառույցներ» ՓԲԸ-ի կողմից Երևան քաղաքի ջրային կառույցների սպասարկման և շահագործման ծրագրերի համար բյուջեով նախատեսված գումարների շրջանակում իրականացվել են Օղակաձև այգու 6-րդ, 5-րդ և 4-րդ հատվածների ջրավազանների, Նոր Նորքի 2-րդ զանգվածի գեղարվեստական շատրվանների ջրավազանների վերանորոգման, Թումանյան-Աբովյան խաչմերուկի շատրվանի վերականգնման աշխատանքները:

Համայնք-մասնավոր հատված համագործակցության շրջանակում 2012թ. վերանորոգվել և վերագործարկվել է մայրաքաղաքի 4 շատրվան Օղակաձև զբոսայգում, Գարեգին Նժդեհի հրապարակում, Հանրապետության հրապարակ մետրոյի կայարանի հարակից տարածքում և Շառլ Ազնավուրի հրապարակում:

Համաձայն վերոնշյալ զարգացման ծրագրի` Ջրային կառույցների վերականգնման ծրագիրը կրում է շարունակական բնույթ, և 2014-2017թթ. շարունակվելու են մայրաքաղաքի ջրային կառույցների վերանորոգման, վերազինման, պահպանման և շահագործման աշխատանքները:

Հիշեցնենք նաև, որ Գլխավոր պողոտայի` Սարյան փողոց-Մաշտոցի պողոտա միջանկյալ հատվածի այգում կային շատրվաններ, որոնք, սակայն, ըստ մասնագետների այլևս վերականգնել չէր լինի, քանի որ շատրվանները քայքայվել էին, և տեխնիկական առումով դրանք հնարավոր չէր վերականգնել, նախատեսվում է, որ այդ հատվածում նախկին մեծ շատրվանի տեղում կկառուցվի երկու նոր շատրվան:

Ի դեպ, Երևանում առաջին շատրվանը կառուցվել է 1938 թվականին`Շահումյանի   արձանի ետնամասում:

Լիլիթ Թադևոսյան