Հրատարակվել է Ջավախքի Ղադո գյուղի մասին ներկայացնող «ՂԱԴՈ» պատմա-ազգագրական ուսումնասիրությունը Վիկտոր Աղալարյանի հեղինակությամբ:  

Գրքում ներկայացված է Ջավախքի Ղադո (Ղադոլար) գյուղի պատմությունն ի սկբանե մինչև 21-րդ դարի սկիզբը: Հեղինակը հանգամանորեն անդրադարձել է գյուղի տոհմերի, կոլտնտեսության, կրթական, բժշկական և այլ ոլորտների պատմությանը: 

Լայն տեղ է հատկացված ինչպես Ղադոյից սերված արհեստավորների, գիտնականների, բազմաթիվ այլ բնագավառներում մասնագիտական բարձունքի հասած մարդկանց կյանքի և գործունեության լուսաբանմանը, այնպես էլ բանահյուսական, տոնածիսական, սովորութային և այլևայլ ազգագրական նյութերին: Հատկապես վերջին նյութերը արժեքավոր են Ջավախքի ազգագրության ուսումնասիրման համար: 

Նախատեսված է պատմաբան-ազգագրագետների, հայոց բնակավայրերի պատմությամբ հետաքրքրվողների, ինչպես նաև ընթերցասեր լայն շրջանների համար: 

Գիրքը կարող եք էլեկտրոնային տարբերակով ընթերցել՝ սեղմելով այստեղ, ինչպես նաև Ջավախքի առցանց գրադարակում՝ books.javakhk.net, սեղմելով այստեղ: