Հայաստանում 110 հազար հեկտար վարելահող չի մշակվում: Տվյալը թերթի թղթակցին տրամադրել է ՀՀ գյուղատնտեսության նախարարության գյուղատնտեսության և գյուղի սոցիալական զարգացման ծրագրավորման վարչության պետ Հրաչ Ծպնեցյանը:

Պաշտոնական վիճակագրության համաձայն՝ Հայաստանն ունի մոտ 339 հազար գյուղացիական տնտեսություն, որոնց պատկանում է 375 հազար հեկտար վարելահող: Ստացվում է, որ հանրապետության վարելահողերի 30 տոկոսը մնում է անմշակ:

Հարկ է նկատել, որ այս վիճակագրությունը վերաբերում է միայն «դատարկ» հողերին և չի ներառում անմշակ մնացած այգիները: Բազմաթիվ այգիներ, սակայն, նույնպես լքված են, չնայած դրանցում առկա ծառերը գարնանը կանաչում են: