Այս տարվա առաջին  7   ամսում Հայաստանում արտադրվել է  4,406 մլրդ կՎտ.ժ էլեկտրաէներգիա, որը  1,9%-ով գերազանցում է 2014  թվականի նույն ամիսների ցուցանիշը։

Այս մասին տեղեկանում ենք ՀՀ ազգային վիճակագրական ծառայությունից (ՀՀ ԱՎԾ)։

Ըստ պաշտոնական տվյալների՝ միայն այս տարվա հուլիսին հանրապետությունում արտադրվել է  614,4 մլն. կՎտ.ժ էլեկտրաէներգիա։ Նախորդ տարվա հուլիսի համեմատ դա 4,2%-ով ավելին է, իսկ այս տարվա հունիսի համեմատ՝  3,3%-ով պակաս։

Հիշեցնենք, որ  նախորդ տարի Հայաստանում արտադրվել է 7,75 մլրդ կվտ/ժ էլեկտրաէներգիա  (0,5 %-ով ավելին 2013 թվականից):