Երրորդ կայազորային քննչական բաժնում, ինքնասպանության հասցնելու դեպքի առթիվ, հարուցվել է քրեական գործ: 2015թ. սեպտեմբերի 6-ին՝ ժամը 01:45-ի սահմաններում, N զորամասի պահպանության տակ գտնվող մարտական դիրքում հայտնաբերվել է նույն զորամասի ժամկետային զինծառայող շարքային Նարեկ Արտյոմի Հարությունյանը՝ ստորին ծնոտի շրջանում հրազենային մարմնական վնասվածքով: Ըստ նախնական տվյալների՝  Ն.Հարությունյանը  մահացու հրազենային վնասվածքը հասցրել է ինքը:  Այս մասին տեղեկացնում է քննչական կոմիտեն:

Կատարվում է նախաքննություն: Համաձայն կոմիտեի պաշտոնական հաղորդագրության` ձեռնարկվում են անհրաժեշտ քննչական գործողություններ՝ դեպքի բազմակողմանի, լրիվ  և օբյեկտիվ հետազոտումն ապահովելու ուղղությամբ։

Ավելի վաղ ԼՂՀ պաշտպանության նախարարությունը տեղեկացրել էր, որ մարտական հենակետում տեղի ունեցած «արտակարգ պատահարի արդյունքում զինվոր է մահացել»: