Տեսանյութեր
Լուսանկարներ
Այստեղ հավաքվել են այն ուժերը, որոնք մեզ հայտարարած պատերազմի մարտահրավերն ընդունում են. Լևոն Զուրաբյան
Լիլիթ Թադևոսյան
«Սա երևի այն բացառիկ դեպքերից է, որ «Ոչ»-ը իր մեջ կրում է շատ դրական լուսավոր բովանդակություն»,- «Չեք անցկացնի» նախաձեռնության համաժողովի ժամանակ իր ելույթում ասաց Հայ Ազգային Կոնգրեսի փոխնախագահ Լևոն Զուրաբյանը:
Նա նշեց, որ սա մեծ նվաճում էր, որ նոր կազմակերպությունը շատ արագ ճշգրիտ քայլերով ձեռք բերեց հեղինակություն հասարակության մեջ և շատ մեծ հակասություններ ունեցող ուժերին համախմբելու գործ է անում:
«Առաջինը՝ մենք ժողովրդին պետք է բացատրենք՝ ինչու ենք մենք այստեղ հավաքվել, չափազանցություն չի լինի, որ ասեմ, որ մեզ այստեղ բերել է տագնապը մեր երկրի ճակատագրի համար: Հերիք չի, որ ընտրությունների կեղծումով, բռնությամբ, թալանով, ըստ էության ռեժիմը խախտում է Սահմանադրությունը, և յուրացրել է իշխանությունը, այսօր դա ցանկանում են ամրապնդել սահմանադրորեն»,- ասաց Լևոն Զուրաբյանը:
Այնուհետև նա նշեց, որ ինչպես միշտ, նման ճակատագրական պահերին գոյություն ունի երկու տարբերակ` «կա՛մ դու հստակ «ոչ» ես ասում ու ամբողջ ուժով պայքարում ես այս հրեշավոր ծրագրի դեմ, կա՛մ, կամա, թե ակամա, դառնում «այո»-ի կամ այդ հրեշավոր ծրագրի կազմակերպիչների կատարման հանցակիցը. ուրիշ տարբերակ չկա»:
«Եթե քեզ պատերզամ են հայտարարում՝ ոչ մի տարբերություն չկա՝ դու կռվում ես թշնամու ճամբարում, թե մահճակալի տակ: Այստեղ հավաքվել են այն ուժերը, որոնք մեզ հայտարարած պատերազմի մարտահրավերն ընդունում են»,- ասաց Լևոն Զուրաբյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել