HY RU EN

Երանուհի Սողոյան

Մարալիկում վերընտրվեց գործող քաղաքապետը

Շիրակի մարզի Մարալիկ համայնքում սեպտեմբերի 13-ին կայացած համայնքի ղեկավարի ընտրությունում նախնական տվյալներով հաղթել է գործող քաղաքապետ Արտակ Գեւորգյանը՝ ստանալով 1965 քվե:

Նրա մրցակից ԲՀԿ-ական Արտակ Ավդալյանը հավաքել է 1110 ձայն: Մարալիկում գրանցված 5500 ընտրողից ընտրությանը մասնակցել է 3145-ը: 70 քվեաթերթիկ համարվել է անվավեր:

Ընտրությունն ընդհանուր առմամբ անցել է խաղաղ, առանց միջադեպերի, սակայն որոշակի լարվածություն ընտրողների շրջանում ստեղծվել էր ժամը 10-ից հետո՝ նույնականացման քարտերի որոշ խնդիրներով: Հիշեցնենք, որ Կենտրոնական ընտրական հանձնաժողովը արգելել էր Մարալիկ քաղաքում գրանցվել եւ քվեարկությանը մասնակցել նույնականացման քարտերով: