Հայաստանի Հանրապետության և Իրանի Իսլամական Հանրապետության (ԻԻՀ) կառավարութունների միջև 2011թ. դեկտեմբերի 23-ին ստորագրված փոխըմբռնման հուշագրի շրջանակում ԻԻՀ կառավարությունը համաձայնել է տրամադրել 2 մլն ԱՄՆ դոլարի դրամաշնորհ Իրանի հետ սահմանամերձ բնակավայրերի (Մեղրի և Ագարակ համայնքների) գազի բաշխման ցանցի կառուցման ծրագրի իրականացման համար:

Այս մասին տեղեկացնում է կառավարությունը: Հուշագրի համաձայն` հայկական կողմն իր վրա է վերցրել ապրանքների մատակարարման, ծառայությունների մատուցման և ապրանքների ներմուծման գործարքներից գանձվող հարկերի, մաքսատուրքերի և այլ պարտադիր վճարների ծախսերը:

Կառավարության այսօրվա նիստում լրացումներ և փոփոխություններ են կատարվել ՀՀ 2015թ. պետական բյուջեում և նախկինում ընդունած որոշումներից մեկում՝ պետբյուջեում ներառելով հուշագրով նախատեսված ՀՀ կառավարության պարտավորությունները: