Տեսանյութեր
Լուսանկարներ
Արամ Մանուկյան«60-ականներին Սովետը հայտարարեց, որ նոր մարդու տեսակ է կազմավորել՝ հոմոսովետիկուս, հիմա դուք ի՞նչ հոմոսերժիկուս եք ձևավորում»
Լիլիթ Թադևոսյան
«Ճիշտ չեն բոլոր այն մոտեցումները, բոլոր այն ելույթները, որտեղ կառավարման մեկ մոդելը ներկայացվում է ավելի լավ քան մյուսը»,- այդ մասին սահմանդրական փոփոխությունների վերաբերյալ քննարկմանը իր ելույթում ասաց ՀԱԿ խմբակցության քարտուղար Արամ Մանուկյանը:
Նա նշեց, որ բոլոր մոդելներն էլ լավն են, եթե ճիշտ արտացոլում են տվյալ երկրի առկա վիճակը, նրա առջև ծառացած մարտահրավերները և այդ ժամանակի համար ճիշտ լուծումներ են տալիս և խնդրեց, որ այդ մոտեցումները որպես արգումենտներ՝ չբերեն:
«Խնդիրը հետևյալն է՝ դուք բերում եք հարյուր երկրի տարբերակ, բերեք Հայաստանի օրինակը: Այդ բոլոր երկրների տարբերակներն ուսանելի են, այդ փորձն ուսանելի է, բայց կիրառելին պետք է լինի մեր երկրի վիճակը, որը պետք է որոշի փոփոխությունների գնում ենք, դնում ենք մոդելի փոփոխության, թե ոչ: Մեր մոտեցումն է՝ այսօր Հայաստանը չի գտնվում այն իրավիճակում, որ պետք է կառավարման մոդելի փոփոխության գնալ: Այսօր Հայաստանը կարիք ունի ուղղաձիգ ուժեղ իշխանության, քանի որ գտնվում է պատերազմից հինգ պակաս իրավիճակում է և այս չարեփոխումների արդյունքում Հայաստանը հայտնվելու է մի աննորմալ վիճակում»,- ասաց Արամ Մանուկյանը:
Նրա խոսքերով մեր երկրի այս ծանր իրավիճակում Սահմանադրություն փոխելը կարող է բերել արկածների ու լուրջ ցնցումների:
Այնուհետև նա մեջբերեց ռուս վերլուծաբանների կարծիքները՝ սահմանադրական փոփոխությունների վերաբերյալ՝ մասնավորպես նրանք նշում են, որ այդ փոփոխությունները Հայաստանին կարող են բերել անկանխատեսելի ցնցումների, որ այս փոփոխությունները արող են երկրին ուղղակի իր ուղեգծից գցել, որ սա բերելու է ԱՊՀ-ում և ԵՏՄ-ում Հայաստանի դիրքի թուլացման:
«Եվ տարբեր գործիչներ հենց ուղիղի ձևով նշում են, որ սա ՀՀԿ-ի համար և կարողէ հետագայում նաև ուրիշ կուսակցությունների համար վերմակն իր կողմը ձգելու, և ներքին խիստ լարումների պատճառ առաջացնել, հնարավորություն ստեղծել: Ինչի՞ համար են այս փոփոխությունները, ի՞նչ են տալու այս փոփոխությունները, եթե հինը, որը ոտնահարել եք դրա փոփոխության անհրաժեշտությունը չի ապացուցվել: Հինն ասում է, որ ԱԺ-ի կեսը պետք է գործարար լինի՞: Ոտնահարված օրենքի փոփոխության իմաստը ո՞րն է, միայն նրա համար որ մի հոգի՞ է ուզել: Դուք պատանդ եք դարձել, գերի եք դարձել մի հոգու ցանկությա՞ն:
2012 թվականին դուք ծրագիր եք ներկայացրել ձեր կուսակցության ոչ մի պատգամավոր սահամնդրական փոփոխության մի բառի մասին խոսք չի ասել: դուք ինքներդ գիտեք, որ արկած կա սրա մեջ: Ամբողջ համակարգը տակնուվրա եք անում»,- ասաց Արամ Մանուկյանը:
Այնուհետև նա հարց ուղղեց թե սա ի՞նչ է տալու, բացի նրանից, որ ԱԺ-ում ասվեց, թե «Սերժ Սարգսյանը հո տանը չի նստելու»:
«Ի՞նչ է նշանակում՝ ով տանը չի ուզում նստել՝ պիտի գա երկիր ղեկավարի, ի սեր Աստծո, տարե՛ք ձեր տուն: Այստեղ մի շողոքորթության, մի դիֆերամբների շքերթ ստեղծվել մի արեք, եկել մարգարիտներ եք շարում, թմբկահարում եք, այս ինչ վիճակ է: Նույնիսկ հասելէ այնտղե, որ նոր Սահմանադրությամբ, նոր մարդ է կերտվելու: 60-ականներին Սովետը հայտարարեց, որ սովետական միությունը նոր մարդու տեսակ է կազմավորել՝ հոմոսովետիկուս, և դուք ի՞նչ հոմոսերժիկուս եք ձևավորում: Այս ի՞նչ է այս քծնանքի շքերթը: Դուք գնում եք շատ մեծ ռիսկի: Սա քաղաքական քյալլագյոզություն է: Չի կարելի Հայաստանը այս ծանր վիճակում ֆինանս չունեցած վիճակում, պատերազմական վիճակում գնալ այսպիսի արկածախնդրության: Իմաստը՞: Ինչի՞ն եք տանում, ինչնէ այս համակարգի վատը: Խելոք մնացեք, և ինչ պարտադիր է, որ հաջորդ ղեկավարը լինի Սերժ Սարգսյանը, ուրիշին բերեք փորձեք, բերեք խաղադաշտ»,- ասաց Արամ Մանուկյանը:
Այնուհտեև պատգամավորըն ասաց, թե պարտադիր պետք է համակարգը փոխել խորհրդանականի, որ մի հոգու կամքը կատարե՞ն, պատա՞նդ են:
Արամ Մանուկյանն ասաց, որ չի կարելի այսպես երկիր ղեկավարել՝ անձնական արժանապատվությունը թողած, երկրի շահը թողած մի հոգու կամքն ու ցանկությունն իրականացնել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել