HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Լոռու մարզպետ. «Չի բացառվում «Քիմպրոմի» նոր սեփականատեր հայտնվի»

Լոռու մարզպետ Արթուր Նալբանդյանն այսօր իր հրավիրած մամուլի ասուլիսին  լրագրողներին ներկայացրեց  մարզի սոցիալ-տնտեսական վիճակը:

Ասուլիսին մարզպետը նախ անդրադարձավ «Վանաձորի Քիմպրոմի» աշխատողների 10 ամիսների չվճարվող աշխատավարձին: Հայտնեց, որ խնդիրը քննարկվել է նաև նախագահ Սերժ Սարգսյանի հետ. «Արդեն անցած շաբաթ «Քիմպրոմի» աշխատակիցները ստացել են իրենց երկու ամիսների աշխատավարձը: Մնացած 8 ամիսների կուտակված աշխատավարձը կստանան այս տարվա դեկտեմբերի 15-ից ոչ ուշ»,- ասաց Ա. Նալբանդյանը, ով նաև անդրադարձավ «Քիմպրոմի» ճակատագրին. «Չի բացառվում «Քիմպրոմի» նոր սեփականատեր հայտնվի, չնայած այստեղ ստեղծված դժվարություններին: Բանակցություններն ընթացքի մեջ են»: Ա.Նալբանդյանը խոստացավ  լրագրողներին  լրացուցիչ ներկայացնել  նոր  քննարկումների արդյունքները:

Վերադառնալով մարզի սոցիալ-տնտեսական զարգացման խնդիրներին՝ մարզպետը նշեց, որ մարզի տնտեսության աճի 76-80 տոկոսն ապահովում է արդյունաբերությունը: Նա մտահոգություն հայտնեց միջազգային շուկայում պղնձի գների անկման հետևանքով հանքարդյունաբերությանը սպասվող մարտահրավերների, այդ թվում աշխատատեղի կրճատման  շուրջ: Այսուհանդերձ , Ա. Նալբանդյանն նշեց, որ Թեղուտի հանքավայրի շահագործումից հետո 2014թ.-ի ամբողջ տարում մարզում  արդյունաբերական արտադրանքի ծավալը կազմել է 69 միլիարդ 941մլն դրամ, իսկ  2015թ. 1-ին կիսամյակում  արտադրանքի ծավալը կազմել է 57 միլիարդ 689 մլն դրամ:

Նշվեց, որ  2015թ.-ին մարզի ճանապարհաշինության վրա տարբեր ֆինանսական աղբյուրներից ծախսվել է 5 միլիարդ 564 մլն դրամ: Ա. Նալբանդյանը հատկապես կարևորեց  Ստեփանավան –Օձուն ճանապարհատվածի  և  Տաշիր-Գոգավան` Վրաստանի սահմանամերձ ճանապարհի ընթացող վերանորոգման աշխատանքերը: Հայտնեց նաև, որ  ընթացքի մեջ են պետբյուջեի 485 մլն դրամ հատկացումով մարզի 30 համայնքերում իրականացվող շինարարական  հրատապ ծրագրերը,  6,1 միլիարդ դրամ նախահաշվային արժեքով կառուցվում է Վանաձորի բժշկական կենտրոնը, «Տաշիր»  բարեգործական հիմնադրամի կողմից Տաշիրում և Ստեփանավանում կառուցվում են մանկապարտեզներ:

Ա.Նալբանդյանը  անդրադարձավ նաև  3,8 մլն դոլար նախահաշվային արժեքով Վանաձորի տեխնոպարկի   կառուցմանը, որտեղ  առաջիկա մի քանի տարիներին կստեղծվեն լուրջ աշխատատեղեր: 

Մարզպետը նշեց նաև «Հայ մանուկներ» հիմնադրամի կողմից  Դսեղ-Դեբեդ համայնքերի խաչմերուկում կառուցվող «Սմառթ»  և «Թումո» ոսումնական կենտրոնների  կառուցման  կարևորությունը: Գյուղատնտեսության հետ կապված Ա. Նալբանդյանմ ասաց, որ  այս տարի մարզում արտադրվել է շուրջ 45 հազար տոննա ցորեն և հատիկ-ընդեղեն:

Աճ է նկատվել կարտոֆիլի և  մյուս մշակաբույսերի արտադրության գործում:  Մարզում գրանցված պտղի արտադրության անկումը բացատրեց Շնող, Ճոճկան, Մեծ Այրում համայնքների այգիների կարկտահարությամբ:

Ա. Նալբանդյանն անդրադարձավ  նաև  մարզի սոցիալ- տնտեսական խնդիրներին  առնչվող «Հետքի» ահազանգերին: Կարկտահարված ճոճկանում հակակարկտային կայան տեղադրելու հետ կապված՝  հայտնեց, որ կառավարությանը ներկայացրել  է առաջնահերթ 20 հակակարկտային կայաններ տեղադրելու պահանջ, որի մեջ ներառված է նաև Ճոճկան գյուղը:  «Առաջարկությունը հաստատվելու դեպքում  Ճոճկանում 2016թ.-ին անպայման կտեղադրվի հակակարկտային կայան»,- հավաստիացրեց նա:

Անդրադառնալով Արջուտի աղբավայրի համաճարակային  վտանգներին՝  Ա. Նալբանդյանը բացատրեց, որ այն  ոչ միայն Արջուտի,  նաև վանաձորցիների համար լուրջ խնդիր է առաջացնում, որովհետև Վանաձորն այսօր կենցաղային աղբը թափելու տեղ չունի: «Դրա համար KFW բանկի վարկային ծրագրով  կներառվի մարզի 3 խոշոր աղբավայրերը` Վանաձոր, Ալավերդի և Տաշիր –Ստեփանավան հատվածում, որը  քննարկման փուլում է: Այս պահին Արջուտի աղբավայրի հարցի լուծման տարբերակ չունենք»,- բացատրեց Նալբանդյանը:

Լրագրողներից մեկը մարզպետին տեղեկացրեց, որ  Արջուտում Վանաձորի աղբը թափվում է  նաև գյուղացիների սեփական վարելահողերի վրա. «Գյուղապետ Վ.Մկրտչյանը  պարտադրում է գյուղացիներին չօգտագործվող այդ  հողերի հարկը վճարել»,- հայտնեց  լրագրողը: Մարզպետը խոստացավ լուծել խնդիրը:

Ա. Նալբանդյանը  նաև խոստացավ ծանոթանալ  ոսկու հանքի շահագործման հետ կապված Արջուտի  գյուղապետ Վ. Մկրտչյանի կողմից տրված համաձայնության օրինականությանը:  

Վանաձոր-Բագրատաշեն միջպետական ճանապարհի թունելների վտանգների մասին  Ա.Նալբանդյանը  հայտնեց, որ միջպետական ճանապարհի  վերանորոգման շինարարական աշխատանքերը կսկսվեն 2016թ.-ին: Վերանորոգման աշխատանքերում ընդգրկված են ճանապարհի բոլոր  թունելների  հիմնանորոգումը:  

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter