«Հարավկովկասյան երկաթուղի» ՓԲԸ Երևանի լոկոմոտիվային դեպոյում հոկտեմբերի 26-ին շահագործման է հանձնվել վերջին 25 տարվա ընթացքում Հայաստանի տարածքում առաջին անգամ կապիտալ վերանորոգում անցած ЧМЭ-3 ջերմաքարշը:

ЧМЭ-3 ջերմաքարշի արդիականացումը հանդիսանում է ՀԿԵ-ի՝ սեփական արտադրամասերում շարժակազմի վերանորոգման քաղաքականության մաս: 2014 թվականին Գյումրու լոկոմոտիվային դեպոյից դուրս էր եկել Հայաստանում վերջին 25 տարիների ընթացքում առաջին անգամ վերանորոգված էլեկտրաքարշը:

2008 թվականից լոկոմոտիվային և վագոնային տնտեսության արդիականացմանը ՀԿԵ-ն ուղղել էր 29 մլրդ դրամ:

Ինչպես նշում է «Հարավկովկասյան երկաթուղի» ՓԲԸ-ն հաղորդագրության մեջ, ՀԿԵ-ում առկա են վերանորոգում պահանջող 14 ջերմաքարշեր, որոնցից մեկն արդեն շահագործման է հանձնվել: Երկրորդ ջերմաքարշի վերանորոգումն ավարտվում է, մնացած 12-ը նույնպես հերթի մեջ են: 

Լուսանկարը՝ sputnik.co.am-ից: