![](/static/articles/06/39/11/l-oUSfKVVCJM.jpg)
Նալբանդյանն ընդունեց Սերբիայի պաշտպանության նախարարին
Նոյեմբերի 25-ին ԱԳ նախարար Էդվարդ Նալբանդյանն ընդունեց Սերբիայի պաշտպանության նախարար Բրատիսլավ Գաշիչին։ Այս մասին հայտնում են ՀՀ ԱԳՆ-ից:
Ողջունելով հյուրին՝ նախարար Նալբանդյանն անդրադարձավ Հայաստանի և Սերբիայի միջև վերջին տարիներին դինամիկ զարգացող հարաբերություններին՝ ընդգծելով համագործակցության առավել զարգացման նպատակով հավելյալ քայլերի անհրաժեշտությունը։ Այս համատեքստում Էդվարդ Նալբանդյանը կարևորեց Հայաստանի և Սերբիայի պաշտպանության նախարարությունների միջև ձևավորվող փոխգործակցությունը։
Շնորհակալություն հայտնելով ընդունելության համար՝ նախարար Գաշիչը հավաստեց, որ Սերբիան Հայաստանը դիտարկում է որպես բարեկամ պետություն և հետաքրքրված է ՀՀ հետ հարաբերությունների հետագա զարգացմամբ և ընդլայնմամբ: Նա երախտագիտություն հայտնեց Կոսովոյի հիմնախնդրի կապակցությամբ Հայաստանի սկզբունքային դիրքորոշման համար, որը վերջերս արտացոլվեց նաև ՅՈՒՆԵՍԿՕ-ում Կոսովոյի անդամակցության հարցով քվեարկությամբ։
Էդվարդ Նալբանդյանը հյուրին ներկայացրեց ղարաբաղյան հիմնահարցի բացառապես խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահների ջանքերը:
Մեկնաբանել