2014 թվականի հունիսից մինչև 2015 թվականի հունիսն ընկած ժամանակահատվածում, ըստ վերլուծության, ՀՀ մարզերում և ԼՂՀ-ում վարկերի ընդհանուր աճի տեմպը գերազանցել է Երևանում վարկերի աճի տեմպը. վարկային ներդրումները Երևանում աճել են 6.3%-ով (77.8 մլրդ դրամով), իսկ ՀՀ մյուս մարզերում և ԼՂՀ-ում միասին՝14.3%-ով (89.9 մլրդ դրամով): 

ՀՀ մարզերում և ԼՂՀ-ում հիմնականում աճել են արդյունաբերության և գյուղատնտեսության ճյուղերին տրամադրված վարկերը: Հաշվետու տարվա ընթացքում 1.6 տոկոսային կետով նվազել է վարկային ներդրումների կենտրոնացվածությունը Երևանում և կազմել 64.8%:

Ավելացել է միջազգային վարկային ծրագրերով տրամադրված վար­­կերի կշիռը ընդհանուր վարկերում՝ կազմելով 14.2%: Գրեթե բոլոր ՀՀ մարզերում և ԼՂՀ-ում աճել են տարածքային հասանելության ցուցանիշները՝ 1 շնչին և 1 մասնաճյուղին բաժին ընկնող ավանդների և վարկերի ծավալները: