Ընտրողների ակտիվ հոսք Գառնիի թիվ 27/28 ընտրատեղամասում սկսվեց 11:30-ից հետո։ Մարդիկ սկսեցին քվեարկության գալ ընտանիքներով։ Այնուհետև նորից ընտրատեղամասը դատարկվեց։ Բնակիչներից շատերը, ծանոթ չլինելով ընտրացուցակներին, ստիպված մի ընտրատարածքից մյուսն էին գնում իրենց անունը գտնելու համար։ Այստեղ երկու դեպք գրանցվեց, երբ քաղաքացին քվեաթերթիկը դրել էր խցիկի տակը՝ թողնելով այնտեղ։ Հանձնաժողովի նախագահի միջամտությամբ քաղաքացին ինքն իր ձեռքով վերցրեց քվեաթերթիկը և գցեց արկղի մեջ։