Արմավիրի մարզի Վարդանաշեն համայնքում ընտրական իրավունք ունեցողները կարծես թե չեն շտապում մասնակցել Սահմանադրության փոփոխությունների հանրաքվեին: Քվեարկության ցուցակներում առկա 796 մարդուց ժամը 14-ի դրությամբ քվեարկությանը մասնակցել է 148 մարդ:

Առավել ակտիվ են տարեցները: Նրանք պարտաճանաչ գալիս են, քվեարկում և բարեմաղթանքներով հեռանում են:

Հանձնաժողովի անդամները պարապությունից հումորներ են անում, մեկ-մեկ տեղամաս մտնողներին հորդորելով. «Ընտրեք ձեր ապագան»: