«Ոսկե ծիրան» երևանյան միջազգային կինոփառատոնն արդեն 5-րդ անգամ կհյուրընկալվի Ջավախքում: «Ոսկե ծիրանը անիվների վրա» ծրագրի շրջանակներում նոյեմբերի 10-14-ը Ախալքալաքում կկայանա հայ-վրացական կինոփառատոնը: 

Կցուցադրվեն «Ոսկե ծիրան» 8-րդ կինոփառատոնի ֆիլմերի ընտրանին և վերջին տարիներին Վրաստանի ազգային կինոկենտրոնի ստեղծած լավագույն ֆիլմերը:

«Ոսկե ծիրանը անիվների վրա» կինոփառատոնը իրականացվում է «ՎիվաՍել-ՄՏՍ»-ի հովանավորությամբ: «Ոսկե ծիրանը» Ջավախքում կինոփառատոնն իրականացվում է «Փյունիկ» մարդկային ռեսուրսների զարգացման հիմնադրամի, ՀՀ-ում Վրաստանի դեսպանության, Վրաստանի ազգային կինոկենտրոնի հետ համագործակցությամբ: