«Հետքի» խմբագրություն զանգահարեց Երեւանի Արաբկիր համայնքի բնակիչ Գայանե Գյուլնազարյանը եւ հայտնեց, որ երբ գնացել է 4/26 ընտրատեղամաս հանրաքվեին մասնակցելու, հայտնաբերել է, որ իր անվան դիմաց ընտրացուցակում արդեն ստորագրված է: Նա պահանջել է արձանագրություն կազմել, սակայն ապարդյուն: Հանձնաժողովի անդամները փորձել են տարբեր պատճառաբանություններ բերել: Նա ցանկացել է նկարել ընտրացուցակում իր անվան դիմաց դրված ստորագրությունը, բայց թույլ չեն տվել: Գայանե Գյուլնազարյանին առաջարկել են ստորագրել իր հոր անվան դիմաց եւ քվեարկել, ինչը նա, իր խոսքով, արել է՝ իմանալով, որ հայրը չի գնալու քվեարկության եւ մտավախություն ունենալով, որ ինչպես իր դեպքում, հոր փոխարեն էլ կարող է մեկ ուրիշը քվեարկել: