Գեղարքունիքի մարզի Ծաղկունքի 23/15 ընտրատեղամասում մեր այցելության պահին տեւական ժամանակ ընտրողներ չկային: Տեղամասը գտնվում է Բաց դպրոց, 4-րդ փողոց, շենք 10 հասցեում: Մեծ դահլիճում միայն հանձնաժողովի անդամներն էին: 

Ընտրատեղամասում գրանցված 787 ընտրողից ժամը 6-ի սահմաններում ընտրությանը մասնակցել էր 263 ընտրող: «Ընտրությունը շատ ընտիր կազմակերպված է անցնում, ընդհանրապես ընտրախախտումներ չեն եղել: Մի քիչ շատ ընտրողների էինք սպասում, բայց քիչ ա, երեւի գործի բնույթով չեն եկել ընտրության: Դիտորդներ չկան, վստահված անձինք էլ չկան»,- հայտեց հանձնաժողովի նախագահ, ԲՀԿ անդամ Արշակ Ղազարյանը:

Արփինե Մինասյան