2015թ. դեկտեմբերի 6-ի ՀՀ Սահմանադրության փոփոխությունների հանրաքվեի քվեարկության արդյունքների վերահաշվարկի վերաբերյալ ստացված դիմումների հիման վրա այսօր` դեկտեմբեր 10-ին, իրականացված ընդհանուր առմամբ 12 տեղամասերի քվեարկության արդյունքների վերահաշվարկների արդյունքում «Այո» քվեարկված քվեաթերթիկների թիվն ավելացել է 6-ով, «Ոչ» քվեարկված քվեաթերթիկների թիվը նվազել է 18-ով. անվավեր քվեաթերթիկների թիվն ավելացել է  46-ով: 

Այս մասին տեղեկացնում է Կենտրոնական ընտրական հանձնաժողովը: Հանրաքվեի քվեարկության արդյունքների վերահաշվարկներն իրականացնելու վերջնաժամկետն է դեկտեմբերի 11-ը` մինչև ժամը 14.00-ը: