ՄԻՊ գրասենյակը հաղորդագրություն է տարածել քաղաքացիական ակտիվիստ Արտակ Գևորգյանի բերման ենթարկելու կապակցությամբ.

«Քիչ առաջ տեղեկացանք, որ բերման է ենթարկվել քաղաքացիական ակտիվիստ Արտակ Գևորգյանը, ով իբրև այսօր առավոտյան ներկել էր մերգրասենյակի դուռը:

Անկախ նրանից, թե ով է եղել նման արարքի կատարողը, մենք չենք ցանկանում, որ որևէ մարդ ենթարկվի քրեական պատասխանատվությանայդ արարքի համար:

Մենք համարում ենք նման արարքն անթույլատրելի, սակայն ներում ենք թե’ դրա կատարողներին և թե’ կազմակերպիչներին:

Մենք որևէ հաղորդում կամ ահազանգ չենք ներկայացրել իրավապահ մարմիններին, որպեսզի որևէ անձ ենթարկվի քրեական հետապնդման:

Օմբուդսմենի հանձնարարականով նրա տեղակալն այժմ գտնվում է ոստիկանության Կենտրոնի բաժնում, որպեսզի բոլոր հնարավորեղանակներով պաշտպանի Արտակ Գևորգյանի իրավունքները»:

Քիչ առաջ ՄԻՊ գրասենյակը տեղեկացրեց նաև, որ Արտակ Գևորգյանը ազատության մեջ է: